காத்மண்டுவில் ஹெலிகாப்டர் விபத்து : 5 பேர் பலி..!

 காத்மண்டுவிலிருந்து நேற்று மதியம் 1.54 மணியளவில் ஹெலிகாப்டர் ஒன்று பயணிகளை ஏற்றிக் கொண்டு ரசுவா பகுதியை நோக்கிச் சென்றுள்ளது. எனினும், புறப்பட்ட 3 நிமிடங்களில் தொடர்பை இழந்துள்ளது.

9என்-ஏ.ஜே.டி. என்ற எண் கொண்ட ஏர் டைனஸ்டி வகையைச் சேர்ந்த ஹெலிகாப்டர் ஆனது, அந்நாட்டின் வடமேற்கே மலை பகுதியில் சென்றபோது, திடீரென விபத்தில் சிக்கியது.

இதில், ஹெலிகாப்டரில் பயணித்த அனைவரும் உயிரிழந்து உள்ளனர். நுவகோட் மாவட்டத்தில் சிவபுரி பகுதியில் வார்டு எண் 7-ல் இருந்து பயணிகள் 5 பேரின் உடல்கள் மீட்கப்பட்டு உள்ளன. அவர்களில் 2 பேர் ஆண்கள். ஒருவர் பெண் என அடையாளம் காணப்பட்டு உள்ளனர்.

விமானியும் விபத்தில் சிக்கி உயிரிழந்து உள்ளார். மற்றொரு உடல் அடையாளம் காண முடியாதபடி விபத்தில் கருகி இருந்தது. இதில், பயணம் செய்த 4 பேர் சீன நாட்டைச் சேர்ந்தவர்கள் எனத் தெரிய வந்துள்ளது.