குரூப் 4 தேர்வு முடிவு குறித்து வெளியான அப்டேட்!!

தமிழ்நாடு அரசுப் பணியாளர் தேர்வாணையத்தால் 2022ஆம் ஆண்டிற்கான குரூப் 4 தேர்வு 7301 காலிப்பணியிடங்களுக்கு நடத்தப்பட்டது. தேர்வினை சுமார் 18 லட்சம் பேர் எழுதியுள்ளனர்.

இத்தேர்வுக்கான முடிவுகள் வெளியிடுவதில் தாமதம் ஏற்பட்டுக் கொண்டே இருந்த நிலையில் 2022 டிசம்பர் இறுதியில், 2023 பிப்ரவரி மாதம் முடிவுகள் வெளியிடப்படும் என்று தெரிவித்தனர்.

அறிவிப்பில் குறிப்பிடப்பட்டபடி 2022ஆம் ஆண்டு அக்டோபர் மாதமே இத்தேர்வின் முடிவுகள் வெளியிடப்பட வேண்டும். மகளிர் இட ஒதுக்கீட்டில் நீதிமன்றம் அளித்த உத்தரவினால் திருத்தம் செய்யப்பட்ட முடிவுகள் வெளியிடுவதில் தாமதம் ஏற்பட்டது.

தற்போது வெளியிட்டுள்ள அப்டேட் செய்யப்பட்ட தேர்வு முடிவுகளுக்கான அட்டவணைப் படி ஏற்கனவே வெளிவந்த தகவலில் மாற்றம் இல்லை. குரூப் 4 தேர்வு முடிவுகள் 2023 பிப்ரவரி மாதம் வெளியிடப்படும் என்று குறிப்பிடப்பட்டுள்ளது.

குரூர் 4 தேர்வை எழுதியுள்ளவர்கள் முடிவுக்காக காத்திருப்பதால், இந்த ரிசல்ட் பெரும் எதிர்பார்ப்பை ஏற்படுத்தியுள்ளது. அதனால் குரூப் 4 குறித்த அப்டேட்களை தேர்வர்கள் பின்தொடர்ந்து வருகின்றனர்.

newstm.in