வரும் 17-ம் தேதி கூடுகிறது சட்டப்பேரவை.. சபாநாயகர் அப்பாவு அறிவிப்பு..!

தமிழக சட்டப்பேரவை கூட்டத்தொடர் வருகிற 17-ம் தேதி தேதி காலை 10 மணிக்கு கூடுகிறது என சபாநாயகர் அப்பாவு தெரிவித்துள்ளார்.

சபாநாயகர் அப்பாவு இன்று சென்னை தலைமைச் செயலகத்தில் செய்தியாளர்கள சந்தித்தார். அப்போது அவர், "தமிழ்நாடு சட்டப்பேரவை கூட்டத் தொடர் வரும் 17-ம் தேதி காலை 10 மணிக்கு கூடுகிறது. சட்டப்பேரவை கூட்டத்தில், மறைந்த சட்டமன்ற உறுப்பினர்களுக்கு இரங்கல் தெரிவிக்கப்பட்டு பேரவை ஒத்திவைக்கப்படும்.

அதன்பின்னர், அலுவல் ஆய்வுக்குழு கூடி எத்தனை நாள் சட்டப்பேரவை கூட்டம் நடைபெறும் என்பது முடிவு செய்யப்படும். எதிர்க்கட்சி தலைவர், எதிர்க்கட்சி துணைத்தலைவர் கடிதங்கள் பரீசிலனையில் உள்ளது. சபை மரபுப்படி முடிவு எடுக்கப்படும்.

சட்டப்பேரவை கூட்டத் தொடர் விரைவில் நேரலையில் ஒளிபரப்பு செய்யப்படும். எதிர்க்கட்சி தலைவர், துணைத்தலைவர் இருவரும் சட்டபேரவையில் கன்னியமாக நடந்து கொள்வார்கள்" என்று கூறினார்.