தொடரும் அட்டூழியம்… தமிழக மீனவர்கள் 14 பேர் கைது!!

ராமேஸ்வரத்தில் இருந்து 400க்கும் மேற்பட்ட விசைப்படகுகளில் 1,500க்கும் மேற்பட்ட மீனவர்கள் மீன்பிடிக்க கடலுக்கு சென்றனர்.

இந்நிலையில் எல்லை தாண்டி மீன் பிடித்ததாக கூறி இலங்கை கடற்படையினரால் தமிழகத்தை சேர்ந்த 14 மீனவர்கள் நடுக்கடலில் கைது செய்யப்பட்டுள்ளனர். அவர்களது படகும் பறிமுதல் செய்யப்பட்டது.

14 மீனவர்களையும் இலங்கை கடற்படையினர் பருத்தித்துறை கடற்படை முகாமுக்கு கொண்டு சென்று விசாரணை நடத்தி வருகின்றனர். கைது செய்யப்பட்ட மீனவர்கள் எந்த பகுதியை சேர்ந்தவர்கள் என்ற விவரம் வெளியாகவில்லை.

முன்னதாக ராமேஸ்வரத்திலிருந்து கடந்த 14ஆம் தேதி மீன் பிடிக்க சென்ற மீனவர்கள் மீது இலங்கை கடற்படையினர் தாக்குதல் நடத்தி விரட்டினர்.

இந்த தாக்குதலில் தங்கச்சிமடத்தை சேர்ந்த ஜான்சன் என்ற மீனவரின் கண்ணில் பலத்த காயம் ஏற்பட்டளது. இதுபோன்று தமிழக மீனவர்கள் மீதான இலங்கை கடற்படையினரின் அத்துமீறல் தொடர்கிறது. இதனால் மீனவர்கள் அதிர்ச்சியி உள்ளனர்.

newstm.in