வரும் 9-ம் தேதி செங்கல்பட்டு மாவட்டத்தில் சசிகலா சுற்றுப்பயணம்..!!

வரும் திங்கள்கிழமை அதாவது 9-ம் தேதி செங்கல்பட்டு தொகுதிக்கு உட்பட்ட முக்கிய பகுதிகளில் சசிகலா சுற்றுப்பயணம் மேற்கொண்டு தொண்டர்களை சந்திக்கவுள்ளார்.

இதற்காக அவர் வரும் 9-ம் தேதி மதியம் 3 மணிக்கு சென்னை தியாகராய நகரில் உள்ள வீட்டில் இருந்து புறப்பட்டு கிண்டி, குரோம்பேட்டை, தாம்பரம், வண்டலூர் வழியாக கொளப்பாக்கம் செல்கிறார்.

அங்கிருந்து மறைமலை நகர், சிங்கப்பெருமாள் கோவில், செங்கல்பட்டு பழைய பஸ் நிலையம், திருக்கழுக்குன்றம் ஆகிய பகுதிகளில் தொண்டர்களையும், பொது மக்களையும் சந்திக்கிறார். சுற்றுப்பயணத்தில் ஈடுபடும் சசிகலாவை வரவேற்க தொண்டர்கள் முக்கிய இடங்களில் ஏற்பாடுகளை செய்து வருகின்றனர்.