எலான் மஸ்க் அடுத்த அதிரடி - வாரம் 80 மணி நேரம் வேலை..இலவச உணவு இல்லை...!

பிரபல சமூக ஊடக நிறுவனமான ட்விட்டரை சில நாட்களுக்கு முன்பு உலகின் முன்னணி பணக்காரரான எலான் மஸ்க் தன் வசப்படுத்தினார். எலான் மஸ்க் ட்விட்டர் உரிமையாளரானதை தொடர்ந்து அவர் பல்வேறு அதிரடி நடவடிக்கைகளை எடுத்து வருகிறார்.

ட்விட்டர் நிறுவனத்தை வாங்கிய பின்னர் ஊழியர்களை நேரடியாக சந்தித்த எலான் மஸ்க், இனி ட்விட்டர் ஊழியர்கள் வாரத்திற்கு 80 மணி நேரம் வேலை பார்க்க வேண்டும். அலுவலகத்தில் இலவசமாக உணவு போன்ற எந்த ஒரு சலுகையும் வழங்கப்படாது. பெருந்தொற்று காலமெல்லாம் முடிந்துவிட்டது. அதனால், இனி எந்த ஊழியருக்கும் வீட்டிலிருந்து பணி புரியும் சலுகை இல்லவே இல்லை. இதெற்கெல்லாம் ஒப்புக் கொண்டால் வேலைக்கு வரலாம். இல்லாவிட்டால் வீட்டிலேயே இருக்கலாம். ராஜினாமாக்களை நாங்கள் தாராளமாக ஏற்றுக் கொள்வோம் என்று கூறியுள்ளார்.

இந்த அறிவிப்பு அங்க வேலை செய்து கொண்டிருக்கும் ஊழியர்களுக்கு பெரும் அதிர்ச்சியை கொடுத்துள்ளது..