பா.ஜ.க. தனித்து போட்டி - அமித்ஷா ஆவேசம்!...

கர்நாடகாவில் பாரதிய ஜனதா கட்சி தனித்து போட்டியிடும் என்று உள்துறை அமைச்சர் அமித்ஷா தெரிவித்துள்ளார்.

கர்நாடக மாநிலத்தின் பெங்களூருவில் பா.ஜ.க. நிர்வாகிகள் கூட்டம் நடைபெற்றது.இந்தக் கூட்டத்தில் மத்திய அமைச்சர் அமித்ஷா கலந்துகொண்டு பேசினார். அப்போது, ஜனதா தளம்(எஸ்) கட்சியுடன் இணைந்து பா.ஜ.க. கூட்டணி அமைக்கப் போவதாக வதந்திகளை பரப்பி வருவதாக கூறினார்.

கர்நாடகாவில் பா.ஜ.க. தனித்துப் போட்டியிடும் என்று கூறிய அவர், மூன்றில் இரண்டு பங்கு பெரும்பான்மையுடன் கர்நாடாகாவில் பாஜக ஆட்சி அமைக்கும் என்று தெரிவித்தார். காங்கிரஸைப் பொறுத்தவரை, அதிகாரத்தைப் பெறுவது ஊழல் செய்வதற்கான ஒரு வழி என்று குற்றம்சாட்டியுள்ளார். ஆனால் எங்களைப் பொறுத்தவரை அது மக்களின் வாழ்க்கையை மேம்படுத்துவதற்கு உதவும் என்று கூறினார்.

சமீபத்தில் நடந்த 7 மாநில தேர்தல்களில் 5 மாநிலங்களில் பா.ஜ.க. வெற்றி பெற்றுள்ளது. ஆனால் 6 மாநிலங்களில் காங்கிரஸ் சரிவை சந்தித்துள்ளது என்று அமித்ஷா தெரிவித்துள்ளார்.

newstm.in