ராணுவ வீரர்களுக்கு கொரோனா வழிகாட்டு நெறிமுறைகள் அறிவிப்பு..!!

இந்திய ராணுவம் வெளியிட்டுள்ள சுற்றறிக்கையில், “ராணுவ வீரர்கள் கொரோனா வழிகாட்டு நெறிமுறைகளைப் பின்பற்றி நடக்க வேண்டும். மக்கள் அதிகம் கூடும் இடங்களுக்குச் செல்லும்போது கட்டாயம் முகக்கவசம் அணிந்திருக்க வேண்டும். தனிமனித இடைவெளியை பின்பற்ற வேண்டும். அடிக்கடி கைகளைக் கழுவி சுத்தமாக வைத்திருக்க வேண்டும். சானிடைசரை பயன்படுத்த வேண்டும்.

கொரோனா அறிகுறி இருந்தால் உடனடியாக பரிசோதனை செய்து கொள்ள வேண்டும். பரிசோதனையில் கொரோனா உறுதி செய்யப்பட்டால் 7 நாட்கள் தனிமைப்படுத்திக் கொள்ள வேண்டும். மிதமான பாதிப்பு முதல் தீவிர பாதிப்பு வரை இருப்பவர்களை உடனடியாக மருத்துவமனையில் அனுமதிக்க வேண்டும்” என்று தெரிவித்துள்ளது.

முன்னதாக சர்வதேச அளவில் கொரோனா பரவல் அதிகரித்து வருவதையடுத்து, இந்தியாவில் கொரோனா அதிகமாகப் பரவத் தொடங்கினால் அதை எதிர்கொள்ளத் தயாராக இருக்க வேண்டும் என்றும், அனைவரும் கட்டாயம் முக கவசம் அணிய வேண்டும் என்றும் பிரதமர் நரேந்திர மோடி வலியுறுத்தியது குறிப்பிடத்தக்கது.