பிரபல மலையாள ஒளிப்பதிவாளர் மரணம் - திரையுலகினர் அதிர்ச்சி..!!

துல்கர் சல்மான் நடிப்பில் வெளியான செகண்ட் ஷோ படம் மூலம் ஒளிப்பதிவாளராக அறிமுகமானவர் சுதீஷ் பப்பு. இதையடுத்து பல்வேறு ஹிட் படங்களுக்கு ஒளிப்பதிவு செய்து கவனம் ஈர்த்தார்.ஒளிப்பதிவாளர் சுதீஷுக்கு கடந்த மூன்று ஆண்டுகளாக அமிலோய்டோசிஸ் என்கிற அரியவகை நோய் பாதிப்பு இருந்து வந்துள்ளது. இதற்காக சிகிச்சையும் பெற்று வந்துள்ளார்.

இந்த நோய் பாதிப்பு தீவிரமடைந்த நிலையில், ஒளிப்பதிவாளர் சுதீஷ் உயிரிழந்துள்ளார். அவருக்கு வயது 44.ஒளிப்பதிவாளர் சுதீஷ் பப்புவின் மரணம் மலையாள திரையுலகினரை பேரதிர்ச்சியில் ஆழ்த்தி உள்ளது. அவரது மறைவுக்கு பிரபலங்கள் பலரும் சமூக வலைதளம் வாயிலாக இரங்கல் தெரிவித்து வருகின்றனர்.

பப்புவின் மரணம் குறித்து அறிந்த பிரபல மலையாள இயக்குநரான லால் ஜோஸ் தன் ஃபேஸ்புக் பக்கத்தில் உருக்கமான போஸ்ட் போட்டிருக்கிறார்.2004ம் ஆண்டு வெளியான தனது ரசிகன் பட செட்டில் முதல் முறையாக சுதீஷ் பப்புவை சந்தித்தது பற்றி எழுதியிருக்கிறார் லால் ஜோஸ். மேலும் பப்புவுடனான நட்பு பற்றி விரிவாக எழுதியிருக்கிறார்.