வம்சி இயக்கத்தில், நடிகர் விஜய் நடிப்பில் உருவாகி வரும் வாரிசு திரைப்படத்தின் முதல் சிங்கிள் ட்ராக் ரஞ்சிதமே வெளியாகியுள்ளது.

விஜய் நடித்து வரும் 'வாரிசு' திரைப்படம் தமிழ் மற்றும் தெலுங்கு மொழிகளில் நேரடியாக வெளியாக உள்ளது. படத்தில் விஜய்க்கு ஜோடியாக நடிகை ராஷ்மிகா மந்தனா நடித்து வருகிறார்.

மேலும், பிரகாஷ்ராஜ், சரத்குமார், குஷ்பூ, ஷாம், யோகி பாபு உள்ளிட்ட பலர் முக்கிய கதாபாத்திரத்தில் நடிக்கின்றனர். இப்படத்தின் படப்பிடிப்பு விறுவிறுப்பாக நடைபெற்று வருகிறது.

வாரிசு படம் பொங்கலுக்கு திரையரங்குகளில் வெளியாகும் என படக்குழு அறிவித்துள்ளது. இந்த நிலையில் வாரிசு படத்தின் முதல் பாடல் வெளியாகியுள்ளது. இதனால் ரசிகர்கள் உற்சாகமடைந்துள்ளனர்.

முதல் பாடலை நடிகர் விஜய் பாடியுள்ளார். படத்திற்கு தமன் இசையமைத்துள்ளார். நேற்று முன்தினம் பாடலின் ப்ரோமோ வெளியான நிலையில் தற்போது லிரிக் வீடியோ வெளியாகியுள்ளது.

newstm.in