மக்கள் கூட்டத்தால் திணறிய தேசிய நெடுஞ்சாலை!!

தீபாவளி பண்டிகையையொட்டி சொந்த ஊர்களுக்கு படையெடுக்கும் பொதுமக்களால் செங்கல்பட்டு மாவட்டத்தில் தேசிய நெடுஞ்சாலை போக்குவரத்து நெரிசலால் திணறியது.

வரும் திங்களன்று தீபாவளி பண்டிகை கொண்டாடப்பட உள்ளதையொட்டி மூன்று நாள் தொடர் விடுமுறை விடப்பட்டுள்ளது. எனவே, தென் மாவட்டங்களை சேர்ந்த மக்கள் தீபாவளி பண்டிகையை சொந்த ஊர்களில் கொண்டாடுவதற்காக செல்வதால் சென்னை - திருச்சி தேசிய நெடுஞ்சாலையில் போக்குவரத்து நெரிசல் ஏற்பட்டது.

அலுவலகம், பள்ளி, கல்லூரிகள் முடிந்த பிறகு குடும்பத்துடன் செல்வோர்களின் எண்ணிக்கை அதிகரித்ததை தொடர்ந்து சிங்கபெருமாள்கோவில் தேசிய நெடுஞ்சாலையில் இருமார்க்கத்திலும் போக்குவரத்து நெரிசல் ஏற்பட்டது.

செங்கல்பட்டு பரனூர் சுங்கச்சாவடியில் போக்குவரத்து நெரிசலை கட்டுப்படுத்த காவல்துறையினர் தரப்பில் தற்காலிக பேருந்து நிறுத்தம், பேருந்துகள், அரசு வாகனங்கள் மட்டுமே செல்ல இரு தடங்கள், இருசக்கர வாகனங்கள் சுங்கச்சாவடி முன்பே தற்காலிக மாற்றுப்பாதை அமைக்கப்பட்டது.

இதனால் இருசக்கர வாகனங்கள் அந்த வழியில் அனுமதிக்கப்படுவதால் சுங்கச்சாவடியில் வாகன போக்குவரத்து நெரிசலின்றி கடப்பது எளிமையாக்கப்பட்டுள்ளது.

newstm.in