தென்மாவட்ட தீபாவளி சிறப்பு ரயில்கள்.. தெற்கு ரயில்வே அறிவிப்பு..!

தீபாவளி பண்டிகையை முன்னிட்டு பயணிகளின் கூட்ட நெரிசலை தவிர்க்க கீழ்கண்ட பண்டிகை கால சிறப்பு ரயில்கள் இயக்கப்படவுள்ளதாக தெற்கு ரயில்வே அறிவித்துள்ளது.

இதுகுறித்து தெற்கு ரயில்வே வெளியிட்டுள்ள செய்திக்குறிப்பில், 'தீபாவளி பண்டிகையை முன்னிட்டு பயணிகளின் கூட்ட நெரிசலை தவிர்க்க கீழ்கண்ட பண்டிகை கால சிறப்பு ரயில்கள் இயக்கம்.

யஸ்வந்த்பூர் - திருநெல்வேலி(வண்டி எண்: 06565) இடையே மதியம் 12.45 மணிக்கு செவ்வாய்க்கிழமைகளில் மட்டும் இயக்கப்படும் பண்டிகை கால வாராந்திர சிறப்பு கட்டண சிறப்பு ரயில் வருகிற 18-ம் தேதி மற்றும் 25-ம் தேதிகளில் இயக்கப்படும்.

மறுமார்க்கமாக, திருநெல்வேலி - யஸ்வந்த்பூர்(வண்டி எண்: 06566) இடையே காலை 10.40 மணிக்கு புதன்கிழமைகளில் மட்டும் இயக்கப்படும் பண்டிகை கால வாராந்திர சிறப்பு கட்டண சிறப்பு ரயில் வருகிற 19-ம் தேதி மற்றும் 26-ம் தேதிகளில் இயக்கப்படும்.

மைசூரு - தூத்துக்குடி(06253) இடையே மதியம் 12.05 மணிக்கு வெள்ளிக்கிழமைகளில் மட்டும் இயக்கப்படும் பண்டிகை கால வாராந்திர சிறப்பு கட்டண சிறப்பு ரயில் வருகிற 21-ம் தேதி இயக்கப்படும்.

மறுமார்க்கமாக, தூத்துக்குடி - மைசூரு(06254) இடையே மதியம் 3 மணிக்கு சனிக்கிழமைகளில் மட்டும் இயக்கப்படும் பண்டிகை கால வாராந்திர சிறப்பு ரயில் வருகிற 22-ம் தேதி இயக்கப்படும்' என்று அதில் கூறப்பட்டுள்ளது