இளம் நடிகர் கழிவறையில் மர்ம மரணம்!!

பாலிவுட்டை சேர்ந்த பிரபல இளம் நடிகர் ஆதித்யா சிங் கழிவறையில் மர்மமாண முறையில் மரணம் அடைந்த சம்பவம் பெரும் பரபரப்பை ஏற்படுத்தியுள்ளது.

ஆதித்யா சிங் ராஜ்புத், மாடல், நடிப்பு, நடிப்பு தொழிலுக்கான ஒருங்கிணைப்பாளர் உள்ளிட்ட பணிகளில் ஈடுபட்டு வந்தார். இந்நிலையில், அவர் மும்பை அந்தேரி பகுதியில் உள்ள தனது வீட்டின் கழிவறையில் உயிரிழந்த நிலையில் சடலமாக கண்டெடுக்கப்பட்டுள்ளார்.

ஆதித்யா கழிவறையில் கிடப்பதை பார்த்த அவரது நண்பர்கள், உடனடியாக, மருத்துவமனைக்கு கொண்டு சென்றனர். ஆனால், அவர் ஏற்கனவே உயிரிழந்து விட்டதாக, தெரிவித்தனர்.

தொடக்கத்தில் மாடலாக இருந்த ஆதித்யா சிங், நடிகரான பின்னர், பல புதிய முகங்களை அறிமுகப்படுத்தி உள்ளார். பல நடிகர்களுடன் இணைந்தும் நடித்து உள்ளார். 300 விளம்பரங்களிலும் நடித்துள்ளார். விருது நிகழ்ச்சிகளில் அவர் தவறாமல் கலந்து கொள்வார் என கூறப்படுகிறது.

இந்நிலையில், அவரது திடீர் மறைவு ரசிகர்கள் மற்றும் திரை துறையினரை அதிர்ச்சியில் ஆழ்த்தி உள்ளது. அவர் உயிரிழப்புக்கான காரணம் குறித்து காவல்துறையினர் விசாரணை நடத்தி வருகின்றனர்.

newstm.in