சிம்ரன் மகன் இவ்வளவு வளர்ந்துட்டாரா? – வைரல் வீடியோ!!

நடிகை சிம்ரன் தனது மகனுடன் சிஎஸ்கே போட்டி பார்க்க வந்த நிலையில், அந்த வீடியோ தற்போது இணையத்தில் வைரலாகி வருகிறது.

90ஸ் கிட்ஸ்களின் கனவு கன்னியான சிம்ரன், தனது நடிப்பு மற்றும் நடனத்தால் பெரும் புகழ் பெற்றவர். ஆள்தோட்ட பூபதி, தொட்டு தொட்டு பேசும் சுல்தானா போன்ற இவரது பல பாடல்கள் ரசிகர்களால் இன்றும் கொண்டாடப்படுகிறது.

கல்யாணத்திற்கு பிறகு நடிப்பதிலிருந்து சிறிது இடைவேளை விட்ட அவர் தற்போது மீண்டும் திரைப்படங்களில் நடித்துவருகிறார். கடந்த வருடம் சிம்ரன் நடிப்பில் மகான், ராக்கெட்ரி : தி நம்பி எஃபெக்ட், கேப்டன் என மூன்று படங்கள் வெளியாகியிருந்தன.

இந்த வருடம் அந்தகன், துருவ நட்சத்திரம், வணங்காமுடி ஆகிய படங்கள் வெளியாகவிருக்கின்றன. இந்த நிலையில் சென்னை சூப்பர் கிங்ஸ் மற்றும் டெல்லி கேப்பிடல்ஸ் அணிகளுக்கு இடையிலான போட்டி டெல்லி அருண்ஜெட் மைதானத்தில் நடைபெற்றது.

இந்தப் போட்டியை நடிகை சிம்ரன் தனது மகனுடன் கண்டு ரசித்தார். மைதானத்தில் தனது மகனுடன் எடுத்துக்கொண்ட வீடியோவை அவர் பகிர, சிம்ரன் மகன் அதற்குள் இவ்வளவு வேகமாக வளர்ந்துவிட்டாரா என ரசிகர்கள் ஆச்சரியம் தெரிவித்துவருகின்றனர்.

newstm.in