.png)
ஐஷ்வர்யா ராஜேஷ் சர்ச்சையை சூப்பராக ஹேண்டில் செய்த ரஷ்மிகா!!
புஷ்பா படத்தின் வள்ளி கதாபாத்திரம் குறித்து ஐஷ்வர்யா ராஜேஷ் பேசியது பெரும் சர்ச்சையை ஏற்படுத்திய நிலையில், இந்த விவகாரத்தை ரஷ்மிகா மந்தனா அற்புதமாக கையாண்டுள்ளார்.
சுகுமார் இயக்கத்தில் தெலுங்கு உள்ளிட்ட மொழிகளில் வெளியான புஷ்பா திரைப்படத்தின் முதல் பாகம், பெரும் வரவேற்பை பெற்றது. இந்த படத்தில் அல்லு அர்ஜுன், ரஷ்மிகா, பஹத் பாசில் உள்ளிட்டோர் நடித்திருந்தனர்.
நடிகை ராஷ்மிகா 'ஸ்ரீவள்ளி' என்ற கதாபாத்திரத்தில் நடித்திருந்தார். இந்த கதாபாத்திரம் அவருக்கு மிகப்பெரிய பெயரை பெற்று கொடுத்தது. மேலும் ரசிகர்கள் மத்தியில் மிகப்பெரிய வரவேற்பும் கிடைத்தது.
இந்த நிலையில், இந்த கதாபாத்திரம் தனக்கு கிடைத்திருந்தால், ரஷ்மிகாவை விட நன்றாக நடித்திருப்பேன் என்று நடிகை ஐஸ்வர்யா ராஜேஷ் பேசினார். அண்மையில் இவர் யூடியூப் சேனல் ஒன்றுக்கு பேட்டி அளித்திருந்தார். அதில் தனக்கு நல்ல தெலுங்கு திரைப்படத்தில் நடிக்க வேண்டும் என்று ஆசை இருப்பதாக தெரிவித்தார்.
விஜய் தேவரகொண்டாவுடன் தான் நடித்த 'வேர்ல்டு ஃபேமஸ் லவ்வர்' எனும் தெலுங்கு திரைப்படம் நினைத்த அளவு வெற்றியை கொடுக்கவில்லை என்று வருத்தம் தெரிவித்தார். தொடர்ந்து பேசிய ஐஸ்வர்யா ராஜேஷ், புஷ்பா படத்தில் ஸ்ரீவள்ளி கதாபாத்திரம் தனக்கு கிடைத்திருந்தால் நிச்சயம் நடித்திருப்பேன் என்றார்.
மேலும் அந்த கதாபாத்திரத்தில் ராஷ்மிகா மிகவும் அருமையாக நடித்திருப்பார். இருப்பினும் தனக்கு கிடைத்திருந்தால் ரஷ்மிகாவைவிட மிகவும் அருமையாக நடித்திருப்பேன் என்று தெரிவித்தார்.
ஐஷ்வர்யா ராஜேஷின் பேட்டி சர்ச்சையான நிலையில், அதுகுறித்து அவர் விளக்கம் அளித்தார். அதில், தாம் பேசியது தவறாக புரிந்து கொள்ளப்பட்டுள்ளது என்று கூறினார். புஷ்பா படத்தில் நடித்த நடிகை ராஷ்மிகா மந்தனாவின் கடின உழைப்பை நான் ஒரு போதும் குறை கூறவில்லை என்றும் தெரிவித்தார்.
இந்நிலையில், இந்த விவகாரம் குறித்து ரஷ்மிகா மந்தனா பதில் அளித்துள்ளார். அதில், நீங்கள் என்ன சொல்கிறீர்கள் என்பதை நான் நன்றாக புரிந்துகொண்டேன். நீங்கள் விளக்கம் கூறுவதற்கு எந்த அவசியமும் இல்லை. உங்கள் மீது நான் அன்பும், மரியாதையும் வைத்திருக்கிறேன். அது உங்களுக்கும் தெரியும். உங்கள் ஃபர்ஹானா படத்துக்கு என்னுடைய ஆல் தி பெஸ்ட் என்று குறிப்பிட்டுள்ளார்.
newstm.in