நாடே எதிர்நோக்கும் முடிவுகள் இன்று வெளியீடு!!

கர்நாடகா சட்டப்பேரவை தேர்தலுக்கான முடிவுகள் இன்று வெளியிடப்படுவதால், நாடே ஆவலுடன் எதிர்பார்த்து காத்திருக்கிறது.

224 தொகுதிகளை கொண்ட கர்நாடக சட்டசபைக்கு கடந்த 10ஆம் தேதி தேர்தல் நடைபெற்றது. இந்த தேர்தலில் பாஜக சார்பில் 224 வேட்பாளர்களும், காங்கிரஸ் சார்பில் 223 வேட்பாளர்களும், மதச்சார்பற்ற ஜனதா தளம் சார்பில் 207 வேட்பாளர்களும், ஆம்ஆத்மி சார்பில் 217 வேட்பாளர்களும் களத்தில் உள்ளனர்.

தேர்தலில் 73.19 சதவீத ஓட்டுகள் பதிவான நிலையில், மின்னணு வாக்குப்பதிவு எந்திரங்கள் அனைத்தும் சீல் வைக்கப்பட்டு, அந்தந்த மாவட்டங்களில் உள்ள வாக்கு எண்ணும் மையங்களில் வைக்கப்பட்டுள்ளன.

அங்கு துப்பாக்கி ஏந்திய போலீசார் 24 மணிநேரமும் பாதுகாப்பு பணியில் ஈடுபட்டுள்ளனர். கண்காணிப்பு கேமராக்ககளும் பொருத்தப்பட்டு கண்காணிக்கப்படுகிறது. இந்நிலையில், தேர்தலில் பதிவான வாக்குகள் இன்று எண்ணப்படுகிறது.

காலை 8 மணிக்கு வாக்கு எண்ணிக்கை தொடங்க உள்ளது. மாநிலம் முழுவதும் 34 மையங்களில் வாக்கு எண்ணிக்கை நடைபெறுகிறது. மதியம் 2 மணிக்குள் பெரும்பாலான தொகுதிகளின் முடிவுகள் தெரிந்துவிடும் என்று கூறப்படுகிறது.

newstm.in