கோவில் கட்டி கும்பாபிஷேகம் செய்த வில்லன் நடிகர்!!

தமிழ் சினிமாவின் பிரபல வில்லன் நடிகர் டேனியல் பாலாஜி சொந்தமாக கோவில் கட்டி கும்பாபிஷேகம் செய்துள்ளார்.

தமிழ் சினிமாவின் தவிர்க்க முடியாத நடிகர் டேனியல் பாலாஜி. இவர் குணச்சித்திரம் மற்றும் வில்லன் கதாபாத்திரத்தில் நடித்து வருகிறார். வேட்டையாடு விளையாடு, வட சென்னை போன்ற படங்களில் கவனம் ஈர்த்தார்.

இவர் சித்தி சீரியலில் வில்லன் கதாபாத்திரத்தில் நடித்திருப்பார். அதில் இருந்து டேனியல் என்ற பெயர் அவருக்கு வந்தது. இவர் தற்போது தனுஷ் நடித்து வரும் கேப்டன் மில்லர் படத்தில் நடித்து வருகிறார்.

இப்படத்தில் பிரியங்கா மோகன், சந்திப் கிஷன், ஜான் கொக்கன், நாசர், நிவேதா சதிஷ் உள்ளிட்டோர் நடித்து வரும் இப்படத்தின் படப்பிடிப்பு விறுவிறுப்பாக நடந்து வருகிறது. இந்நிலையில் சென்னை ஆவடியில் ரகதூள் அங்காள பரமேஸ்வரி அம்மன் கோயிலை தன்னுடைய சொந்த செலவில் பாலாஜி கட்டியுள்ளார்.

தற்போது அந்த கோயிலில் கும்பாபிஷேகம் நடத்தியுள்ளார். இந்நிலையில் டேனியல் பாலாஜி அந்த வீடியோவை தனது இன்ஸ்டகிராமில் பகிர்ந்துள்ளார். பலரும் அவருக்கு வாழ்த்து தெரிவித்து வருகின்றனர்.

newstm.in