நடிகர் ரஜினியின் மூத்த மகளான ஐஸ்வர்யா ரஜினிகாந்த் தனுஷ் உடன் ஏற்பட்ட கருத்துவேறுபாடு காரணமாக பிரிந்து திரைப்படங்களை இயக்குவதில் தனது கவனம் செலுத்தி வருகிறார். தற்போது இவர் ‘லால் சலாம்‘ என்னும் படத்தை இயக்கி வருகிறார். இப்படத்தில் விஷ்ணு விஷால் மற்றும் விக்ராந்த் ஆகியோர் கதாநாயகர்களாக நடிக்கிறார்கள்.

இப்படத்தை லைக்கா நிறுவனம் தயாரித்து வரும் நிலையில் ஏ.ஆர்.ரஹ்மான் இசையமைக்கிறார். இந்நிலையில் நேற்று ஹோலி பண்டிகையை முன்னிட்டு ‘லால் சலாம்‘ படப்பிடிப்பு தளத்தில் படக்குழுவினருடன் ஐஸ்வர்யா ரஜினிகாந்த் கொண்டாடியுள்ளார். தற்போது இந்த புகைப்படம் இணையத்தில் வைரலாகி வருகிறது.