நடிகர் ரஜினிகாந்த்தின் பாபா திரைப்படம் டிசம்பர் 10 ஆம் தேதி ரீ-ரிலீஸ் ஆகும் என்று அறிவிக்கப்பட்டுள்ளது.

சூப்பர் ஸ்டார் ரஜினிகாந்த் வரும் டிசம்பர் 12ஆம் தேதி தனது 72-வது பிறந்த நாளை கொண்டாடுகிறார். ஆண்டு தோறும் ரஜினிகாந்தின் பிறந்த நாளை முன்னிட்டு அவர் நடித்த புது படங்கள் அல்லது அவர் நடித்த பழைய படங்கள் திரையரங்குகளில் வெளியாவது வழக்கமான ஒன்று.

அந்த வகையில், இந்த ஆண்டு ரஜினியின் பிறந்த நாளை முன்னிட்டு கடந்த 2002-ஆம் ஆண்டு வெளியான "பாபா" திரைப்படம் ரீ-ரிலீஸ் செய்யப்பட உள்ளது. இயக்குனர் சுரேஷ் கிருஷ்ணா இயக்கி இருந்த இந்த படத்தை ரஜினியே திரைக்கதை அமைத்து தயாரித்திருந்தார். படத்திற்கு இசையமைப்பாளர் ஏ.ஆர்.ரகுமான் இசையமைத்திருந்தார்.

சுமார் 20 ஆண்டுகள் கழித்து இந்த படத்தை மீண்டும் மேம்படுத்தி மெருகேற்றியுள்ளனர். இந்த படத்தில் ரஜினி 7 மந்திரங்களை பயன்படுத்துவார். அதில் இரண்டு மந்திரங்கள் சம்மந்தப்பட்ட காட்சிகளை நீக்கி,மீண்டும் மேம்படுத்தப்பட்டு தற்போது படம் ரசிகர்களுக்கு பிடித்தவாறு எடுக்கப்பட்டுள்ளதாக கூறப்படுகிறது.

கடந்த சில நாட்களுக்கு முன்பு படத்திற்கான முன்னோட்டம் வெளியானது. இந்நிலையில், தற்போது படத்திற்கான ரிலீஸ் தேதி அறிவிக்கப்பட்டுள்ளது. அதன்படி, இந்த படம் வரும் டிசம்பர் 10-ஆம் தேதி ரஜினியின் பிறந்த நாளை முன்னிட்டு ரசிகர்களுக்கு விருந்தளிக்கும் வகையில் வெளியாகிறது. இதனால் ரஜினி ரசிகர்கள் உற்சாகத்தில் உள்ளனர்.

newstm.in