மலச்சிக்கல் இருப்பவர்கள்.. முக்காம மலம் கழிக்க இந்த 7 வகை உணவுகளே போதும்..

புரோபயாடிக் உணவுகள் குடல் இயக்கத்தை சீராக்க கூடியவை. இது குடலுக்கு நன்மை செய்யும் பாக்டீரியாக்களை கொண்டுள்ளது. ஆரோக்கியமான செரிமானத்தை ஊக்குவிப்பதால் குடல் சத்துக்களை உறிஞ்சி கழிவுகளை வெளியேற்றும். இதனால் மலச்சிக்கல் அபாயம் குறையும். மலச்சிக்கல் பிரச்சனை இருப்பவர்கள் தினசரி உணவில் ஒரு வேளையேனும் புரோபயாடிக் சேர்த்து கொள்ளலாம்.

புரோபயாடிக் நிறைந்த தயிர் . கெஃபிர் சேர்க்கலாம். இது மலச்சிக்கலை குறைக்கிறது. மலத்தை மென்மையாக்குகிறது.

பழங்கள் நார்ச்சத்து மிகுந்தவை. அதிக நார்ச்சத்து கொண்ட பழங்கள் குடல் இயக்கங்களை சீராக்கும். நார்ச்சத்து மலத்தில் அதிக அளவில் சேர்க்கிறது. இது செரிமான பிரச்சனைகளை தடுக்கிறது. ஆய்வுகளின் படி சில பழங்கள் மலச்சிக்கலை தவிர்க்க கூடியவை ஆப்பிள், புருனே,கிவி, பியர்ஸ், அத்திப்பழம், அவகேடோ போன்ற பழங்களை சேர்க்க ஆய்வுகள் பரிந்துரைக்கிறது. இவற்றீல் பெரும்பாலான பழங்கள் இயற்கை மலமிளக்கிகளும் கூட. இந்த பழங்களை சாறாக இல்லாமல் பழமாக எடுப்பது சிறந்தது.

காய்கறிகள் வைட்டமின்களுடன் நார்ச்சத்து மிகுந்தவை. இது தாதுக்களையும் அடக்கியுள்ளன. செரிமான ஆரோக்கியத்தை மேம்படுத்த செய்கின்றன. காய்கறிகளில் இருக்கும் இந்த சத்துக்கள் மலத்தை அதிகப்படுத்துகின்றன. இதனால் செரிமான அமைப்பு சீராக செயல்படுகிறது.கீரைகள், இலை கீரைகள், சிலுவை காய்கறிகள், வேர் காய்கறிகள், சர்க்கரை வள்ளிக்கிழங்கு போன்றவற்றை தினசரி சேர்ப்பது மலம் சீராக கழிய உதவும்.

பீன்ஸ் வகைகள் எல்லாமே கரையக்கூடிய மற்றும் கரையாத நார்ச்சத்து உள்ளடக்கியவை. இது மலச்சிக்கலை வெவ்வேறு வழிகளில் எளிதாக்க செய்கிறது. குடல் இயக்கத்தை தூண்டுகிறது . குடல் பணியை ஒழுங்காக பராமரிக்க செய்கிறது. அரை கப் சமைத்த பீன்ஸ் 6 கிராம் நார்ச்சத்து கொண்டவை. தினசரி அல்லது இரண்டு நாட்களுக்கு ஒருமுறை ஒரு வேளை பீன்ஸ் உணவில் சேர்ப்பது குடல் இயக்கத்தை சீராக்க உதவும்.

பருப்பு வகைகள் எல்லாமே நார்ச்சத்து கொண்டவை. அரை கப் வேக வைத்த பருப்புகளில் 7.8 கிராம் நார்ச்சத்து உள்ளது. பருப்புகள் பெருங்குடலில் உள்ள குறுகிய சங்கிலி கொழுப்பு அமிலமான பியூட்ரிக் அமில உற்பத்தியை அதிகரிக்க செய்கிறது. இது குடல் இயக்கத்தை அதிகரிக்க செய்கிறது. இது செரிமான மண்டலத்தின் இயக்கத்தை மேம்படுத்துவதால் குடல் இயக்கம் சீராகிறது. மேலும் பருப்புகள் புரதச்சத்தும் நிறைந்துள்ளன. இது இரத்த சர்க்கரை அளவை பராமரிக்க உதவும். தினமும் ஒரு வேளை ஏதாவது ஒரு வகையில் பருப்பு சேர்ப்பது மலம் எளிதாக கடக்க உதவும்.

ஆரோக்கியமான கொழுப்புகள் இதயத்துக்கு நன்மை செய்வது போன்று குடலுக்கும் நன்மை செய்கின்றன. கொழுப்பு நிறைந்த அவகேடோ, கொட்டைகள், உலர் பழங்கள், விதைகள் மற்றும் ஆலிவ் எண்ணெய் போன்றவை செரிமான மண்டலத்தை மேம்படுத்த செய்கிறது. மேலும் ஆரோக்கியமான கொழுப்புகள் ஒட்டுமொத்த ஆரோக்கியத்தை ஆதரிக்கும். மேலும் இது அத்தியாவசிய கொழுப்பு அமிலங்களையும் அளிப்பதால் உணவில் அளவாக சேர்ப்பது அவசியம்.