இதை தெரிஞ்சிக்கோங்க..! நீரிழிவு நோயை கட்டுப்படுத்த டீ உதவுமா?​

நீரிழிவு நோய்க்கு டீ எப்படி உதவும் என்று கேட்கலாம். மூலிகைகள் நீரிழிவு நோயாளிகளுக்கு சிறந்த நன்மைகளை அளிக்கும் என்று ஆய்வுகள் தெரிவிக்கின்றன. இரத்த சர்க்கரை அளவை கட்டுப்படுத்தும் இந்த வகை பானங்கள் கலோரி இல்லாதவை. இவை நீரிழிவை கட்டுக்குள் வைக்க செய்கின்றன. நீரிழிவு நோயளிகளின் உடலை நீரேற்றமாக வைத்திருக்க செய்கிறது. மேலும் இந்த வகை தேநீர் ஃப்ளவனாய்டுகள் தியானைன் கொண்டவை. இது இரத்த அழுத்தத்தை கட்டுப்படுத்தவும் மன அழுத்தத்தை போக்கவும் செய்கிறது. அப்படியான மூலிகை டீ என்னென்ன என்பதை இப்போது பார்க்கலாம்.

ப்ளாக் டீ . இதில் உள்ள ஃப்ளாவின்கள் மற்றும் அரூபிஜின்ஸ் போன்றவை அழற்சி எதிர்ப்பு மற்றும் இரத்த சர்க்கரை குறைக்கும் தன்மை கொண்டவை. மேலும் இது வலுவான ஆக்ஸிஜனேற்ற பண்புகளையும் கொண்டுள்ளது. ப்ளாக் டீ குடிப்பது இன்சுலின் சுரப்பை ஊக்குவிக்கிறது. மேலும் இரத்த குளுக்கோஸ் அளவை கட்டுக்குள் வைக்கவும் செய்கிறது என்று ஆய்வுகள் தெரிவிக்கின்றன. ஃப்ரீ டயாபடீஸ் இருப்பவர்கள் ப்ளாக் டீ குடித்த உடன் அது இரத்த சர்க்கரை அளவை மேம்படுத்துவதாக ஆராய்ச்சி ஒன்று காட்டியுள்ளது.

நீரிழிவு நோயாளிகள் தினசரி 3 கப் அளவு ப்ளாக் டீ வரை குடிக்கலாம். ஆனால் சர்க்கரை மற்றும் வேறு இனிப்புகள் சேர்க்க கூடாது.

செம்பருத்தி டீ :

செம்பருத்தி டீ இதயத்துக்கு நன்மை செய்வது போன்று நீரிழிவு நோயாளிகளுக்கும் நன்மை செய்யும். இதன் இதழ்களில் பாலிஃபீனால் ஆக்ஸிஜனேற்றங்கள் நிரம்பியுள்ளன. இவற்றில் உள்ள ஆர்கானிக் அமிலங்கள் மற்றும் ஆந்தோசயனின்கள் செம்பருத்தி தேநீருக்கு பிரகாசமான நிறத்தை அளிக்கின்றன. நீரிழிவு நோயாளிகளுக்கு உயர் இரத்த அழுத்தம் பொதுவானது. நீரிழிவு நோயாளிகள் செம்பருத்தி தேநீர் குடிப்பது இரத்த அழுத்த அளவை கட்டுப்படுத்தலாம். மேலும் இது இன்சுலின் எதிர்ப்பை குறைக்க உதவும் என்று ஆய்வுகள் காட்டுகின்றன.

செம்பருத்தி டீ உயர் இரத்த அழுத்தம் உள்ளவர்கள் எடுத்துகொள்ளும் மருந்துடன் தலையிடலாம் என்பதால் தொடர்ந்து எடுக்கும் போது மருத்துவர் அறிவுரை தேவை.

​மஞ்சள் டீ :

மஞ்சள் சக்திவாய்ந்த ஆக்ஸிஜனேற்ற மற்றும் அழற்சி எதிர்ப்பு பண்புகள் கொண்டவை. இதில் உள்ள குர்குமின் இரத்த சர்க்கரையை குறைக்கும் பண்புகளை கொண்டவை. இது இன்சுலின் உணர்திறனை மேம்படுத்துவதன் மூல திசுக்களில் குளுக்கோஸ் எடுப்பதை அதிகரிக்கிறது. ஆரோக்கியமான இரத்த சர்க்கரை அளவை ஊக்குவிக்கிறது. மேலும் குர்குமின் உட்கொள்வது செல்லுலார் சேதத்தை குறைக்கும். அழற்சி சார்பு சேர்மங்கள் குறைக்கும். மேலும் சிறுநீரக செயல்பாட்டை மேம்படுத்த செய்யும் என்று குறிப்பிடப்பட்டுள்ளது.

வெந்நீரில் மஞ்சள் தூள் சேர்த்து சிட்டிகை மிளகுத்தூள் சேர்த்து குடிப்பது இரத்த சர்க்கரை அளவை கட்டுக்குள் வைக்கும்.

​க்ரீன் டீ :

க்ரீன் டீ ஆரோக்கிய நன்மைகளை அளிப்பவற்றில் முக்கியமானது. இது நீரிழிவு நோயாளிகளுக்கும் நன்மை பயக்கும். க்ரீன் டீ உடலில் செல்லுலார் சேதத்தை குறைக்கவும் வீக்கத்தை குறைக்கவும் செய்கிறது. மேலும் இரத்த சர்க்கரை கட்டுப்பாட்டை மேம்படுத்துகிறது.
க்ரீன் டீயில் இருக்கும் எபிக்கல்லோகேடசின் எலும்பு தசை செல்களில் குளுக்கோஸ் எடுப்பதை தூண்டுகிறது. இதனால் இரத்த சர்க்கரை அளவு குறைகிறது. இது குறித்து ஆய்வு ஒன்றில் 1133 பேரை உள்ளடக்கிய நிலையில் க்ரீன் டீ குடித்தது உண்ணாவிரத இரத்த சர்க்கரையை கணிசமாக குறைத்ததும் மற்றும் ஹீமோகுளோபின் அளவை நீண்ட கால இரத்த சர்க்கரை கட்டுப்பாட்டை குறைத்ததும் கண்டறியப்பட்டது.

நாள் ஒன்றுக்கு 3-4 கப் அளவுக்கு மேல் குடிக்க வேண்டாம் என்பதை நினைவில் கொள்ளுங்கள்.

இலவங்கப்பட்டை டீ :

இலவங்கப்பட்டை மசாலா பொருள் அல்ல. இரத்த சர்க்கரை அளவை குறைக்க இலவங்கப்பட்டை சப்ளிமெண்ட்கள் எடுக்கிறார்கள். ஆனால் ஒரு கப் இலவங்கப்பட்டை தேநீர் கூட நன்மை அளிக்கும் என்கிறது ஆய்வுகள்.ஆய்வு ஒன்றில் 40 நாட்களுக்கு தின்சரி 6 கிராம் இலவங்கப்பட்டை சப்ளிமெண்ட் எடுத்துகொள்வது பெரியவர்களில் உணவுக்கு முந்தைய குளுக்கோஸ் அளவை கணிசமாக குறைத்தது கண்டறியப்பட்டது. எனினும் இரத்த சர்க்கரை HbA1C அளவை கட்டுப்படுத்துவதில் இவை பயனில்லை என்று கண்டறியப்பட்டுள்ளது. அதனால் இது குறித்து மனித ஆராய்ச்சி தேவை.

மேலே குறிப்பிடப்பட்டுள்ள மூலிகை தேநீர் மருத்துவரின் ஆலோசனையுடன் எடுப்பது பாதுகாப்பானது. சுயமாக எடுக்க கூடாது.