இது தெரியுமா ? குழந்தையின் வளர்ச்சிக்கு இந்த ஒரு கிழங்கு கொடுங்க போதும்..!

குழந்தைக்கு திரவ உணவிலிருந்து திட உணவுக்கு மாறும் போது திட உணவும் சற்று கூழ் பதமாக இருக்க வேண்டும். அப்போதுதான் பல் முளைக்கும் குழந்தைக்கு அதை சாப்பிடவும் எளிதாக இருக்கும். அதற்கு சர்க்கரை வள்ளிக்கிழங்கு பெருமளவு உதவக்கூடும்.
முதலில் சர்க்கரை வள்ளிக்கிழங்கை மண் போக கழுவி பிறகு தோல் நீக்கி மீண்டும் அலசி எடுக்கவும். அதை இரண்டு துண்டுகளாக்கி குக்கரில் அல்லது அகன்ற பாத்திரத்தில் நீர் விட்டு வேக வைக்கவும். அது வெந்ததும் சிறிதளவு நீர் விட்டு, ஸ்பூன் அல்லது கைகளால் ( கைகளை சுத்தமாக கழுவி) மசித்து குழந்தைக்கு கொடுக்கலாம்.அதிக நீர் சேர்க்க வேண்டாம். கூழ் போன்று சற்று கெட்டியாக இருக்க வேண்டும்.

குழந்தைக்கு ஆறுமாதங்கள் ஆகும் போது இதை கொடுக்க தொடங்கலாம். ஆரம்ப கட்டத்தில் இரண்டு டீஸ்பூன் அளவு கொடுப்பது நல்லது. பிறகு படிப்படியாக அதிகரிக்கலாம். அதே போன்று நாள் ஒன்றுக்கு ஒருமுறை மட்டுமே கொடுத்தால் போதுமானது. பிறகு படிப்படியாக சர்க்கரை வள்ளிக்கிழங்குடன் கேரட், வாழைப்பழம்,ஆப்பிள் போன்றவற்றை சேர்த்து கொடுக்கலாம்.

குழந்தைக்கு சர்க்கரை வள்ளிக்கிழங்கு கொடுத்ததும் பெரும்பாலும் ஒவ்வாமை உண்டாகாது என்றாலும் இந்த அறிகுறிகளை கவனிக்க வேண்டும். குழந்தையின் சருமத்தில் சிவப்பு நிற புடைப்புகள் ஆங்காங்கே இருக்கும். குழந்தை மூச்சு விடுதலில் இலேசாக சிரமத்தை சந்திக்கும். குழந்தை வயிற்றுவலியை சந்திக்கலாம். குழந்தையின் உதடு கழுத்து தசைகள் இலேசான வீக்கத்தை கொண்டிருக்கலாம். குழந்தை துறுதுறுவென்று இல்லாமல் மந்தமாக இருக்க கூடும். உணவு ஒவ்வாமையின் அறிகுறிகள் பெரும்பாலும் இப்படிதான் இருக்கும்.

வைட்டமின் ஏ மற்றும் பீட்டா கரோட்டின் கொண்டிருக்கும் அற்புதமான கிழங்கு. வைட்டமின் ஏ குழந்தையுடைய கண்களின் வளர்ச்சிக்கு தேவைப்படுகிறது.
இவை ஸ்டார்ச் மற்றும் நார்ச்சத்து நிறைந்திருக்கும் சிறந்த மூலம் ஆகும். செரிமானத்துக்கு உதவுகிறது. இதில் இருக்கும் மாவுச்சத்து குழந்தையின் உடலுக்கு ஆற்றலாக மாற்றப்படுகிறது.
வைட்டமின் ஏ நிறைந்த சிறந்த மூலம் மட்டும் இல்லாமல் வேறு வைட்டமின்களும் உள்ளன. வைட்டமின் சி, வைட்டமின் இ, வைட்டைன் கே, வைட்டமின் பி 1, பி 6, பி9 போன்றவை உள்ளது. இவை எல்லாமே குழந்தைகளின் உறுப்பு வளர்ச்சிக்கு ஆரோக்கியமாக உதவக்கூடியவை. குழந்தைகள் உரிய வயதில் இந்த வளர்ச்சியை பெறுவதற்கு வைட்டமின்கள் சீராக வழங்க வேண்டும்.
இதில் உடலுக்கு தேவையான கால்சியம், இரும்பு, மெக்னீஷியம், பாஸ்பரஸ், பொட்டாசியம், சோடியம் மற்றும் துத்தநாகம் என முக்கிய தாதுக்கள் அடங்கியுள்ளது.

குழந்தைக்கு வாங்கும் போது

குழந்தைக்கு இனிப்பு உருளைக்கிழங்கு வாங்கும் போது ஒரெ நிறம் கொண்ட கிழங்கை வாங்கவும். வெடிப்பு, கருப்பு நிறம் கொண்டிருக்கும் கிழங்கு தவிர்க்க வேண்டும். ஒரு வாரம் வைத்திருந்து பயன்படுத்தலாம். இனிப்பு நிறைந்த உருளைக்கிழங்கு என்பதால் குழந்தைகள் மறுக்காமல் சாப்பிடுவார்கள். அதனால் குழந்தைகள் சாப்பிடுகிறார்களே என்று அள்ளி கொடுக்க வேண்டாம். அளவாக கொடுத்தால் போதுமானது.