இது தெரியுமா ? வயிற்றில் புழுக்கள் இருந்தால் காலையில் வெறும் வயிற்றில் தக்காளியுடன்...

உடல் பருமனை குறைக்க விரும்புவோர், பழுத்து சிவந்த தக்காளி பழங்களை தொடர்ந்து இரண்டு மாதங்கள் காலையில், பழமாகவோ, சாறாகவோ உட்கொண்டு வந்தால், கொழுப்பு நிறைந்த உடல் கரைந்து, எடை குறையும். தக்காளியில் மாவுச்சத்து குறைவாகவும், தாது உப்புகளும், வைட்டமின்களும் அதிகம் இருப்பதால், நல்ல பலன் கிடைக்கும்.இதனால், உடல் நலக்குறைவு ஏற்படாமல் உடல் பருமனை குறைக்கலாம்.

தூக்கம் வர வேண்டுமா? இரவு உணவு நேரத்தில், தக்காளி சூப் சாப்பிடுவது மிகவும் நல்லது. சூப் சாப்பிட்டவுடன் நன்றாக பசி எடுக்கும். சாப்பாட்டுக்கு பின் ஜீரண பிரச்னை இருக்காது; நன்றாக தூக்கம் வரும். பூண்டு, இஞ்சி, சீரகம், மிளகு, உப்பு ஆகியவற்றை, நல்லெண்ணெயில் வதக்கி, மசிய வேகவைத்து, வீட்டில் தக்காளி சூப் தயாரித்து சாப்பிடலாம். நோயாளிக்கும் கொடுப்பது நல்லது.தக்காளி சூப் சாப்பிட்டால், நாவறட்சி ஏற்படாது.

தக்காளியில் நோய் எதிர்ப்பு சக்தி அதிகம் இருப்பதால், உடலில் உள்ள நோய் கிருமிகளையும் அகற்றி, உடலை சுத்திகரிக்கிறது. சிறுநீரில் சர்க்கரையின் அளவைக் கட்டுபடுத்தும். இரவு நேரத்தில், பார்வை குறைபாடு உள்ளவர்கள், தக்காளிச்சாறு குடித்து வருவது மிகவும் நல்லது. இக்குறைபாடு, மெல்ல, மெல்ல நீங்கும்.

தக்காளியை பழமாகச் சாப்பிட்டாலும், சாறாக அருந்தினாலும், உடனே உடலில் கலந்து, சக்தியை ஊக்குவிக்கும். சாப்பிட்ட மற்ற உணவுகள் உடனே ஜீரணமாகும். ரத்த சோகை நோய் உள்ளவர்கள், தக்காளி சாறை, வாரத்தில் 2 அல்லது 3 முறை அருந்தலாம். அதிகளவு வைட்டமின் 'ஏ', தக்காளியில் அதிகம் உள்ளது. அதனால், பார்வைக் கோளாறுகளுக்கும், உடல் பலவீனத்துக்கும் தக்காளிப் பழத்தையும், சாறையும் பருகி வந்தால் பிரச்னை தீரும்.

பெண்கள், முகத்துக்கு கொடுக்கும் முக்கியத்துவத்தை கழுத்துக்கு கொடுப்பதில்லை. இதனால் கழுத்தில், கருவளையம் தோன்ற ஆரம்பித்து விடும். இதை, தக்காளி பேஸ்ட் மூலம் குணமாக்கலாம். தக்காளி சாறு அரை டீஸ்பூன், தேன் அரை டீஸ்பூன், சமையல் சோடா ஒரு சிட்டிகை என, மூன்றையும் கலந்து பேஸ்ட் உருவாக்கி, கழுத்தில் கருவளையம் இருக்கும் இடத்தில் பூசி, 10 நிமிடம் கழித்து கழுவ வேண்டும். இப்படி தொடர்ந்து செய்தால், கருவளையம் மறைந்து இயல்பு நிலைக்கு வந்து விடும்.

1. வயிற்றில் புழுக்கள் இருந்தால், காலையில் வெறும் வயிற்றில் தக்காளியுடன் கருப்பட்டி கலந்து சாப்பிட பலன் கிடைக்கும். தக்காளியை பச்சையாக கருப்பு உப்பு கலந்து சாப்பிட்டால் முகம் பொலிவு பெறும்.

2. கீல்வாத நோயிலும் தக்காளி மிகவும் நன்மை பயக்கும். கேரம் விதைகளை தக்காளி சாறுடன் கலந்து தினமும் சாப்பிட்டு வந்தால் மூட்டுவலியில் நிவாரணம் கிடைக்கும்.

3. குழந்தைகளின் மன மற்றும் உடல் வளர்ச்சிக்கு தக்காளி மிகவும் பயனுள்ளதாக இருக்கிறது.

4. உடல் பருமனை குறைக்கவும் தக்காளியை பயன்படுத்தலாம். தினமும் ஒன்று முதல் இரண்டு டம்ளர் தக்காளி சாறு குடிப்பது உடல் எடையை குறைக்க உதவுகிறது.

5. கர்ப்ப காலத்தில் தக்காளியை உட்கொள்வது மிகவும் நன்மை பயக்கும், இதில் ஏராளமான வைட்டமின் சி உள்ளது, இது கர்ப்பிணிகளுக்கு நல்லது.

6. குழந்தைக்கு வறண்ட நோய் இருந்தால், தினமும் ஒரு டம்ளர் தக்காளி சாறு கொடுப்பது நோயிலிருந்து நிவாரணம் அளிக்கிறது.

7. தக்காளியை அரைத்து கூழாக்கி  முகத்தில் தேய்த்தால் சருமம் பளபளக்கும்.

8. தக்காளியை வழக்கமாக உட்கொள்வது நீரிழிவு நோயில் நன்மை பயக்கும்.

9. இது  கண் பார்வையை வலுப்படுத்துகிறது.  அதிகரிக்கிறது.

10. தக்காளியை இரவில் சாப்பிடுவது சிறந்தது, ஏனெனில் இது உடலின் வளர்சிதை மாற்றத்திற்கு உதவுவதால், ஆரோக்கிய நன்மைகளை அடையலாம்