.png)
இது தெரியுமா ? வாழைத்தண்டு தண்ணீரை தொடர்ந்து குடித்து வந்தால்...
நம் உடலுக்கு வாழைத்தண்டு தண்ணீர் பல்வேறு ஆரோக்கிய நன்மைகளை கொடுக்கிறது. இரத்த அழுத்தத்தை பராமரிப்பதில் முக்கியப் பங்கு வகிப்பது வாழைத்தண்டு. வாழைத்தண்டு சாற்றை தினமும் உட்கொண்டு வரும் பொழுது அது உயர் இரத்த அழுத்தத்தை குறைக்க உதவுகிறது. மேலும் வாழைத்தண்டு சாறு உங்களுடைய இரத்த அழுத்தத்தை சீராக்க உதவுகிறது.
இரத்தசோகையை தடுக்கிறது வாழைத்தண்டு. வாழைப்பூவை போலவே வாழைத்தண்டும் ரத்தசோகையைத் தடுக்கும் வல்லமை கொண்டது. வாழைத்தண்டில் இரும்புச்சத்து மற்றும் வைட்டமின் பி6 அதிகம் காணப்படுகிறது. இது உங்களுடைய உடலில் ஹீமோகுளோபின் அளவை அதிகரிப்பதில் முக்கிய பங்கு வகிக்கிறது. வாழைத்தண்டு தண்ணீரைக் குடிப்பது மட்டுமல்லாமல் வாழைத்தண்டை உணவில் சேர்த்துக் கொள்வதும் ரத்தசோகையைத் தடுக்க உதவுகிறது.
வாழைத்தண்டு சிறுநீர் பாதையை பாதுகாப்பதில் முக்கிய பங்கு வகிக்கிறது. வாழைத்தண்டு சாறு இயற்கையில் டையூரிடிக் ஆகும். இதன் காரணமாக உங்கள் உடலில் இருந்து நச்சுகளை அகற்ற உதவுகிறது. இது உங்கள் சிறுநீர் பாதையை சரியாக செயல்பட உதவுகிறது. பல்வேறு சிறுநீர் பாதை தொற்றுகளை தடுப்பதில் வாழைத்தண்டு முக்கிய பங்கு வகிக்கிறது.
வாழைத்தண்டு சாறு நீரிழிவு நோய்க்கான சிறந்த சிகிச்சையில் ஒன்று. வாழைத்தண்டு உடலில் இன்சுலின் அளவை அதிகரிக்க உதவுகிறது. நீரிழிவு நோயாளிகளுக்கு இன்சுலின் அளவை கட்டுப்படுத்துவது அவசியம். வாழைத்தண்டு சாற்றை தொடர்ந்து குடித்து வரும்பொழுது இது இன்சுலின் அளவை பராமரிக்கிறது. மேலும் இரத்தத்தில் உள்ள சர்க்கரையின் அளவையும் கட்டுக்குள் வைத்திருக்கிறது.
அமிலத்தன்மையை குணப்படுத்தும் தன்மை கொண்டது வாழைத்தண்டு சாறு. வாழைத்தண்டில் உள்ள நார்ச்சத்து புண்கள் மற்றும் நெஞ்செரிச்சல் ஏற்படுவதற்கான வாய்ப்புகளை குறைக்க உதவுகிறது. வாழைத்தண்டுகள் அமிலத் தன்மைக்கு சிகிச்சை அளிப்பதற்கான இயற்கையான ஆன்டாக்சிட்டாக செயல்படுகிறது. அசிடிட்டி பிரச்சனைக்கு வாழைத்தண்டு சாற்றை தொடர்ந்து குடித்து வரும்போது நல்ல பலன் கிடைக்கும்.
வாழைத்தண்டுச் சாறு கொழுப்பை எரிக்க உதவுகிறது. வாழைத்தண்டு சாற்றுடன் இஞ்சிச் சாற்றை சேர்த்து கலந்து குடிக்கும் பொழுது இது உங்களுடைய தொப்பை கொழுப்பை வேகமாக குறைக்கிறது. உங்களுடைய உடலின் செரிமான மற்றும் வளர்சிதைமாற்ற சக்தியை அதிகரிக்கிறது. வாழைத்தண்டில் உள்ள நார்ச்சத்து உங்களுடைய வயிறு நிரம்பிய உணர்வைத் தந்து உங்கள் உடல் எடை குறைப்பிற்கு உதவுகிறது.
வாழைத்தண்டு சாற்றில் உள்ள நார்ச்சத்து உங்களுடைய உடல் எடையை குறைக்க உதவுவது மட்டுமல்லாமல் உடல் இயக்கங்களையும் பராமரிக்க உதவுகிறது. மேலும் மலச்சிக்கல் காரணமாக ஏற்படக்கூடிய பிரச்சனைகளை நிவர்த்தி செய்வதில் முக்கிய பங்கு வகிக்கிறது. தொடர்ந்து வாழைத்தண்டு சாறு குடித்து வரும் போது மலச்சிக்கல் பிரச்சனை சரியாகும். வாழைத்தண்டு சாறு சிறுநீரகக் கற்களை தடுக்கிறது.
வாழைத்தண்டு சாற்றில் பொட்டாசியம் நிறைந்து காணப்படுகிறது. இந்த பொட்டாசியம் கால்சியம் படிகங்கள் உருவாவதைத் தடுக்கிறது. இதனால் சிறுநீரக கற்கள் வருவதை தடுக்க உதவுகிறது. வாழைத் தண்டுச் சாற்றை தொடர்ந்து நீங்கள் குடித்து வரும்பொழுது குடலியக்கத்தை எளிதாக்குகிறது. இதனால் உங்களுடைய வயிறு ஆரோக்கியம் அடைய தொடங்குகிறது. வாழைத்தண்டு நச்சு நீக்கியாக செயல்படுகிறது. இது சிறுநீர் உற்பத்தியை ஊக்குவிக்கிறது. இதனால் உங்களுடைய உடலில் உள்ள நச்சுக்களை வெளியேற்ற உதவுகிறது.