இது தெரியுமா ? உதட்டில் உள்ள கருமையை போக்க எளிய வழிகள்..!

பொதுவாக உதடுகளில் போதுமான ஈரப்பதம் இல்லாமல் போதல், வறண்ட உதடு போன்றவை கருமைக்கு முக்கிய காரணமாக அமைகிறது. மேலும் நோய் எதிர்ப்பு சக்தி தரும் உணவுகளை சாப்பிட்டாலே கருமை நிற உதடு சரியாகிவிடும். இயற்கையான பொருள்களை பயன்படுத்தியே உதட்டின் கருமையை நீக்கி விடலாம்.

கற்றாழை ஜெல் மெலனின் உற்பத்தியை தடுக்கிறது. எனவே கற்றாழையில் இருந்து ஜெல்லை மட்டும் பிரித்தெடுத்து உதடுகளில் அப்ளே செய்து வரலாம். இது உதட்டிற்கு ஈரப்பதத்தை தருவதோடு அதிகப்படியான மெலனின் உற்பத்தியை தடுக்கிறது. இதை மஞ்சளுடன் கலந்து பயன்படுத்துங்கள். முதலில் உங்க விரல்களை நீரில் நனைத்துக் கொண்டு அப்புறமாக இந்த கற்றாழை ஜெல் பேஸ்ட்டை எடுத்து உதடுகளில் அப்ளே செய்து வாருங்கள். 10-15 நிமிடங்கள் கழித்து உதடுகளை கழுவி விடுங்கள். பிறகு உதட்டுக்கு மாய்ஸ்சரைசர் பாமை அப்ளே செய்து கொள்ளுங்கள். உங்களுக்கு நல்ல ஷப்பி லிப் கிடைக்கும்.

பாதாம்

பாதாம் பருப்பில் விட்டமின் ஈ காணப்படுகிறது. இது உங்க கருமையான உதட்டுக்கு சிறந்த தீர்வாக அமையும். பாதாம் பருப்பு பொடி மற்றும் பால் க்ரீம் இரண்டையும் கலந்து உதடுகளில் தடவி 3-5 நிமிடங்கள் காத்திருக்கவும். பாதாம் எண்ணெய்யை தினமும் உதடுகளில் தடவி வர சருமத்தை ஈரப்பதமாக்குகிறது. பாதாம் பருப்பில் உள்ள பாக்டீரியா எதிர்ப்பு மற்றும் அழற்சி எதிர்ப்பு பண்புகள் உங்க உதடுகளை மென்மையாக்கி ஈரப்பதமாக்குகிறது.

மாதுளை

மாதுளை பொதுவாகவே பெண்களுக்கு பல நன்மைகள் செய்யக்கூடியவை. இந்த மாதுளை சாற்றினை தினமும் இரவில் படுக்கும் போது தடவி வந்தால், உதட்டில் உள்ள கருமையை போக்கலாம்.

எலுமிச்சை

எலுமிச்சை ஒரு சிறந்த ப்ளீச்சிங் பொருள் ஆகும். இத்தகைய எலுமிச்சையின் சாற்றை எடுத்து உதட்டில் நன்றாக தடவி 4-5 நிமிடம் மசாஜ் செய்து, குளிர்ந்த நீரில் கழுவி, இறுதியில் லிப்-பாம் போட்டுக் கொண்டால், உதட்டில் இருக்கும் கருமை நீங்கும்.

தயிர்

பொதுவாக கருமையைப் போக்க தயிர் சிறந்த பொருள். அதிலும் உதட்டில் உள்ள கருமையை போக்குவதற்கு, தயிரை உதட்டில் தடவி, மசாஜ் செய்து ஊற வைத்து, பின் குளிர்ந்த நீரில் கழுவ வேண்டும். இதனை தொடர்ந்து செய்து வந்தால், நாளடைவில் உதட்டில் உள்ள கருமை நீங்கி, மென்மையாக இருக்கும்.

வெண்ணெய்

கருமையான உதடுகள் இருப்பதற்கு வறட்சியும் ஒரு காரணம். எனவே வறட்சியைப் போக்குவதற்கு உதட்டிற்கு வெண்ணெய் தடவி வந்தால், உடனே உதட்டின் வறட்சி நீங்கி, நிறம் மாறுவதைக் காணலாம்.

சர்க்கரை

உதட்டிற்கு ஸ்கரப் செய்வதற்கு சர்க்கரை சிறந்த பொருள். அதிலும் சர்க்கரையை தேனுடன் கலந்து, ஸ்கரப் செய்தால், சர்க்கரை உதட்டில் உள்ள இறந்த செல்களை நீக்கியும், தேன் ஈரப்பசையையும் கொடுக்கும்.

பீட்ரூட்

பீட்ரூட் உதட்டில் உள்ள கருமையை தற்காலிகமாக மறைக்கவும், நிரந்தரமாக போக்கவும் உதவும் ஒரு பொருள். அதற்கு தினமும் பீட்ரூட் துண்டை உதட்டில் தேய்த்து, சிறிது நேரம் ஊற வைத்து, பின் கழுவினால், உதடு நாளடைவில் அழகான நிறத்தை பெறும்.

கிளிசரின் ஒரு லிப்-பாம் போன்றது. எனவே கெமிக்கல் கலந்த லிப்-பாமை பயன்படுத்துவதற்கு பதிலாக, கிளிசரினைத் தடவி வந்தால், கிளிசரின் உதட்டை நீண்ட நேரம் ஈரப்பசையுடன் வைத்து, உதட்டின் கருமையையும் போக்கும்.