இது தெரியுமா ? பற்களில் படிந்திருக்கும் மஞ்சள் கறைகளை அகற்றும் வாழைப்பழத் தோல்.!

பற்கள் மஞ்சள் நிறமாக மாறுவது ஏன்?

1. ஆரோக்கியமற்ற வாழ்க்கை நடைமுறைகளை கடைபிடித்தல். அதாவது புகைப்படித்தல், மது அருந்ததுதல்

2. காஃபி மற்றும் கார்ப் அடங்கிய உணவுகளை அதிகமாக எடுத்துக்கொள்ளுதல்

3. தடிமனான நரம்புகளை உடைய பிரஷ்ஷை பயன்படுத்துவதால், பற்களின் மீது இருக்கும் எனாமலில் ஏற்படும் சேதம்.

4. ப்ளூரைடு நிறைந்த தண்ணீரை குடிநீராக பயன்படுத்துதல்

5. உடல் பிரச்சனைகளால் அதிகப்படியான மருந்துகளை எடுத்துக்கொள்ளுதல்

6. வயதான பற்கள் நாட்கள் செல்லும்போது அதன் பொலிவை இழத்தல் போன்ற காரணங்களால் பற்கள் மஞ்சள் நிறத்தில் மாறுகின்றன.

வாழைப்பழத் தோல்
வாழைப்பழத்தின் தோலில் பொட்டாசியம் மற்றும் மக்னீசியம் ஏராளமாக நிறைந்துள்ளது. இந்த சத்துக்கள் பற்களில் படிந்துள்ள கறைகளைப் போக்க வல்லவை. எனவே உங்கள் பற்களை வெண்மையாக்க, வாழைப்பழத்தை சாப்பிடுவதோடு, அதன் தோலைக் கொண்டு பற்களை மசாஜ் செய்யுங்கள்.

பெர்ரிப் பழங்கள்
பெர்ரிப் பழங்களில் உள்ள அசிட்டிக் தன்மையால், அவற்றை உட்கொண்டால், பற்களில் படிந்துள்ள மஞ்சள் கறைகளைப் போக்கலாம். அதிலும் குறிப்பாக ஸ்ட்ராபெர்ரி சாப்பிடுவதால், பற்களின் வெண்மை அதிகரிக்கும்.

ஆரஞ்சு தோல்
ஆரஞ்சு பழத்தின் தோலில் டி-லிமோனேன் என்னும் பொருள் வளமாக நிறைந்துள்ளது. இந்த பொருள் பற்களில் ஏற்பட்ட எப்பேற்பட்ட கறைகளையும் போக்க வல்லது. அதற்கு செய்ய வேண்டியது எல்லாம் ஆரஞ்சு பழத் தோலைக் கொண்டு தினமும் இரண்டு முறை மசாஜ் செய்வது தான். இப்படி செய்து வந்தால், விரைவில் நல்ல பலனைக் காணலாம்.

துளசி
துளசியை தினமும் சிறிது வாயில் போட்டு மென்று வந்தால், வாய் துர்நாற்றம் நீங்குவதோடு, பற்களில் உள்ள கறைகளும் அகலும்.

அன்னாசி
புளிப்பு சுவைக் கொண்ட அன்னாசி பழத்தில் உள்ள புரோமிலைன், பற்களில் உள்ள கறைகளை நீக்கும். எனவே உங்கள் பற்கள் மஞ்சளாக இருந்தால், அடிக்கடி அன்னாசிப் பழத்தை சாப்பிடுங்கள்.

ஆப்பிள்
பச்சை ஆப்பிளில் மாலிக் ஆசிட் உள்ளது. இது பற்களை வெண்மையாக்க உதவும். எனவே சிவப்பு ஆப்பிளை உட்கொள்வதை விட, பச்சை நிற ஆப்பிளை சாப்பிட்டால், பற்களை வெண்மையாகும்.

ஹைட்ரஜன் பெராக்சைடு மற்றும் பேக்கிங் சோடா
பேக்கிங் சோடாவை நீரில் கலந்து பேஸ்ட் செய்து, பற்களைத் தேய்த்து, பின் குளிர்ந்த நீரில் வாயை கொப்பளிக்க வேண்டும். இப்படி மாதம் ஒருமுறை பற்களைத் துலக்கினால், பற்களில் கறைகளை தங்குவதைத் தடுக்கலாம்.

மஞ்சள் பற்கள் மற்றும் கறைகளை அகற்ற ஹைட்ரஜன் பெராக்சைடு மற்றும் பேக்கிங் சோடா ஆகியவற்றின் கலவை பயனுள்ளதாக இருக்கும். சந்தைகளில் ஹைட்ரஜன் பெராக்சைடு மற்றும் பேக்கிங் சோடா கொண்ட பற்பசை கிடைப்பதால் அதனை வாங்கி பயன்படுத்தலாம், அல்லது 1 தேக்கரண்டி பேக்கிங் சோடாவுடன் 2 தேக்கரண்டி ஹைட்ரஜன் பெராக்சைடு கலந்து வீட்டிலேயே பேஸ்ட் தயாரித்து பற்களில் உள்ள மஞ்சள் கறைகளை போக்கலாம்.

கரி

பல்துலக்குவதற்கு பயன்படுத்தும் பற்பசைகளை சரியாக தேர்தெடுக்க வேண்டும். உங்களின் பற்களின் தன்மைக்கு ஏற்ப பற்பசைகளை உபயோகித்தால், பற்கள் தூய்மையாகவும், ஆரோக்கியமாகவும் இருக்கும். பற்பசை நிறுவனங்கள் பற்பசை கரியை கேப்சூல்களாக விற்பனை செய்கின்றன. பற்களில் இருக்கும் மஞ்சள் நிறத்தை போக்குவதற்காக விற்பனை செய்யப்படும் அவற்றை வாங்கி பற்களை வெண்மையாக்கலாம்.