.png)
இது தெரியுமா ? இந்த 5 காரணங்கள் தான் காலையில் இரத்த சர்க்கரை அளவை அதிகரிக்குதாம்..!
காலை நேரத்தில் இரத்தத்தில் சர்க்கரையின் அளவு அதிகரிப்பதற்கு ஹார்மோன்கள் காரணமாக உள்ளன. கார்டிசோல் எனப்படும் ஹார்மோன் காலை நேரங்களில் அதிகமாக செயல்படும். கார்டிசோல் ஹார்மோனின் அளவு அதிகரிக்கும்போது இரத்தத்தில் சர்க்கரையின் அளவு அதிகரிக்கிறது. நமது உடலில் ஆற்றலை தக்க வைக்ககார்டிசோல் ஹார்மோன்கள் உதவுகின்றன. இருப்பினும் கார்டிசோல் ஹார்மோன் அதிகமாக சுரக்கும்போது அது பாதகமான விளைவுகளை ஏற்படுத்துகிறது. மன அழுத்தமாக இருக்கும் போது இந்த கார்டிசோல் ஹார்மோன்கள் அதிக அளவில் சுரப்பதாக நிபுணர்கள் கூறுகிறார்கள்.
தினசரி வேலையில் ஈடுபடும் நமது உடலானது ஆரோக்கியமாக இருக்க ஓய்வு என்பது மிகவும் அவசியம். இந்த ஓய்வினை நாம் தூக்கத்தில் இருந்து பெற முடியும். நீரிழிவு நோயால் பாதிக்கப்பட்டவர்கள் சரியாக தூங்கவில்லை என்றால் காலையில் இரத்தத்தில் சர்க்கரையின் அளவு அதிகரிக்கும் வாய்ப்புகள் உள்ளது. தூக்கமின்மை உடலில் பல்வேறு பாதிப்புகளை ஏற்படுத்துகிறது. தினசரி நமது உடலுக்கு எட்டு மணி நேரம் ஓய்வு என்பது அவசியம். நீரிழிவு நோயாளிகள் சரியான நேரத்திற்கு தூங்க செல்ல வேண்டும். தூங்குவதில் சிரமம், தூக்கத்தில் இடையூறுகள் போன்றவை இரத்தத்தில் சர்க்கரையின் அளவை அதிகரிக்கும் வாய்ப்புகளை அதிகரிக்கிறது.
நீரிழிவு நோயால் பாதிக்கப்பட்டவர்கள் சரியான நேரத்தில் உணவுகளை உட்கொள்வதன் மூலம் இரத்தத்தில் சர்க்கரை அளவை கட்டுப்படுத்த முடியும். மேலும் அதிகமான இனிப்பு சார்ந்த பதார்த்தங்களை சாப்பிடுவதை தவிர்க்க வேண்டும். காலை உணவுகளை நீரிழிவு நோயாளிகள் கட்டாயமாக தவிர்க்கக்கூடாது. நார்ச்சத்து நிறைந்த உணவுகள் எளிதில் செரிமானம் ஆகும் என்பதால், அதனை அதிகமாக எடுத்துக் கொள்வதன் மூலம் நீரிழிவு நோயை கட்டுக்குள் வைத்திருக்க முடியும்.
நமது உடல் ஆரோக்கியமாக இருப்பதற்கு நீர்ச்சத்து என்பது அத்தியாவசியமாக உள்ளது. தினசரி நமது உடலுக்கு தேவையான நீர் சத்தினை வழங்காத போது நமது உடலில் பல்வேறு பாதிப்புகள் ஏற்படுகின்றன. எனவே நீரிழிவு நோயாளிகளுக்கு காலை நேரங்களில் இரத்தத்தில் சர்க்கரையின் அளவு அதிகரிப்பதற்கு நீர் சத்து குறைபாடும் ஒரு காரணமாக உள்ளது. தினசரி குறைந்தது 3 லிட்டர் வரை தண்ணீர் அருந்துவது அவசியம். தண்ணீராக மட்டுமல்லாமல் திரவ உணவுகளை உட்கொள்வதன் மூலமும் நீர்ச்சத்துக் குறைபாட்டினை சரி செய்ய முடியும்.
தொடர்ந்து உடற்பயிற்சி செய்பவர்கள் அதனை திடீரென நிறுத்தும்போது இரத்தத்தில் சர்க்கரையின் அளவு அதிகரிக்கும் வாய்ப்புகள் உள்ளது. நாம் சுறுசுறுப்பாக இருப்பது இன்சுலின் சுரப்புக்கு வழிவகுக்கிறது. உடற்பயிற்சி செய்வதன் மூலம் நமது உடலில் இன்சுலின் சுரப்பை அதிகரிக்க முடியும். எனவே வழக்கமாக செய்யக்கூடிய உடற்பயிற்சிகளை தவிர்ப்பதன் மூலமும் காலை நேரங்களில் இரத்தத்தில் சர்க்கரையின் அளவு அதிகரிக்கலாம். தினசரி உடற்பயிற்சி செய்வதை கட்டாயமாக்கிக் கொள்ளுங்கள். வெளியில் சென்று உடற்பயிற்சிகள் செய்ய முடியவில்லை என்றாலும், வீட்டிலேயே செய்யக்கூடிய சில உடற்பயிற்சிகளை முயற்சி செய்யலாம்.