மாளிகையை போல் வீடு கட்டி பெற்றோர்களுக்கு பரிசளித்த நடிகர் தனுஷ்..!!

இந்தியாவில் பிரபல நடிகராக இருப்பவர் நடிகர் தனுஷ். ஹாலிவுட் முதல் கோலிவுட் வரை உள்ள திரைப்படங்களில் பிசியாக நடித்து வருகிறார்.

இதற்கிடையே கடந்த 2004-ஆம் ஆண்டு சூப்பர் ஸ்டார் ரஜினிகாந்தின் மூத்த மகளான ஐஸ்வர்யாவை காதலித்து நடிகர் தனுஷ் திருமணம் செய்துக்கொண்டார். 18 ஆண்டுகளாக நட்சத்திர தம்பதிகளாக ஜொலித்து வந்த இவர்கள், கடந்த சில நாட்களுக்கு முன்பு பிரிவதாக கூறி அதிர்ச்சியை ஏற்படுத்தினர். இவர்களுக்கு யாத்ரா ராஜா மற்றும் லிங்கா ராஜா என்ற இரு மகன்கள் உள்ளனர்.

தற்போது கேப்டன் மில்லர் என்கிற திரைப்படத்தில் நடித்து வருகிறார் தனுஷ். அருண் மாதேஸ்வரன் இயக்கும் இப்படத்தை சத்யஜோதி பிலிம்ஸ் நிறுவனம் தயாரித்து வருகிறது. இப்படத்தின் படப்பிடிப்பும் விறுவிறுப்பாக நடைபெற்று வருகிறது.

இதனிடையே நடிகர் தனுஷ் கடந்த 2021-ம் ஆண்டு சென்னை போயஸ் கார்டனில் இடம் ஒன்று வாங்கி அங்கு சொந்த வீடு ஒன்றை கட்டத் தொடங்கினார். அந்த சமயத்தில் நடந்த பூமி பூஜையில் நடிகர் ரஜினிகாந்த், தனுஷ், ஐஸ்வர்யா மற்றும் குடும்பத்தினர் கலந்துகொண்டனர். தற்போது அந்த வீடு முழுமையாக கட்டி முடிக்கப்பட்டு உள்ளது. அந்த வீட்டுக்கு சமீபத்தில் கிரஹபிரவேசமும் நடந்துள்ளது. அதன் புகைப்படமும் வெளியாகி வைரலாகி வருகிறது.

இந்த கிரஹப்பிரவேசத்தில் கலந்துகொண்ட இயக்குனர் தனுஷ் ரசிகர் மன்ற தலைவருமான சுப்ரமணியம் சிவா கலந்துகொண்டு, அப்போது அந்த புது வீட்டில் எடுத்த புகைப்படத்தையும் பகிர்ந்துள்ளார்.

இந்த பிரம்மாண்ட மாளிகையை தனது தாய், தந்தைக்கு பரிசாக வழங்கி இருக்கிறார் தனுஷ். சகல வசதியும் உள்ள பிரம்மாண்ட மாளிகையை ரூ.150 கோடி செலவில் தனுஷ் கட்டியுள்ளதாக கூறப்படுகிறது. தனுஷ் கட்டியுள்ள இந்த பிரம்மாண்ட வீடு, அவரின் மாஜி மாமனார் ரஜினிகாந்தின் வீடருகே அமைந்துள்ளது குறிப்பிடத்தக்கது.