பாஜகவினர் கொண்டாடிய காஷ்மீர் ஃபைல்ஸ் திரைப்படத்தை நடிகர் பிரகாஷ்ராஜ் குப்பை படம் என விமர்சித்துள்ளார்.

1990களில் இந்துக்கள் படுகொலை செய்யப்பட்ட சம்பவத்தை அடிப்படையாகக் கொண்டு கடந்த ஆண்டு காஷ்மீர் ஃபைல்ஸ் என்ற திரைப்படம் வெளியானது. படத்தை விவேக் அக்னிகோத்ரி என்பவர் இயக்கியிருந்தார்.

இந்தப்படத்திற்கு பாஜகவினர் மற்றும் ஆதரவாளர்கள் பெரும் வரவேற்பு தெரிவித்தனர். காஷ்மீர் பிரச்னையை இந்தப்படம்தான் சரியாக பதிவு செய்துள்ளது என்று இந்துமத ஆதரவாளர்கள் மற்றும் வலதுசாரி அரசியல் கட்சியினர் கூறினர்.

இப்படம் இந்தியா சார்பில் ஆஸ்கர் விருதுக்கும் அனுப்பிவைக்கப்பட்டது. ஆனால் உண்மையான தகவல்களுக்கு மாறாக காஷ்மீர் ஃபைல்ஸ் திரைப்படம் உருவாக்கப்பட்டுள்ளதாக கடும் எதிர்ப்பு எழுந்தது.

இந்நிலையில், நடிகர் பிரகாஷ்ராஜ், காஷ்மீர் ஃபைல்ஸ் திரைப்படத்தை கடுமையாக விமர்சித்துள்ளார். கேரள இலக்கிய விழா ஒன்றில் கலந்துகொண்ட அவர், காஷ்மீர் ஃபைல்ஸ் திரைப்படம் ஒரு குப்பை என்று கூறியுள்ளார்.

அதற்கு ஆஸ்கர் இல்லை பாஸ்கர் கூட கிடைக்காது. இது பிரச்சார பாணியிலான திரைப்படம். அவர்களுக்கு குரைக்க மட்டுமே தெரியும், கடிக்கத் தெரியாது என கடுமையாக சாடியுள்ளார்.

பதான் திரைப்படத்தை புறக்கணிக்க முயற்சி செய்தனர், ஆனால், பதான் ரூ.800 கோடி வசூலித்துள்ளது. இந்த முட்டாள்களால் மோடியின் படத்தை ரூ.30 கோடிக்குக் கூட ஓடவைக்க முடியவில்லை என பிரகாஷ்ராஜ் கூறியுள்ளார்.

newstm.in