தமிழகத்தில் ஜூலை 15 ம் தேதி வரை சிறப்பு ரயில்கள் ரத்து !! தெற்கு ரயில்வே அறிவிப்பு

தமிழகத்தில் கொரோனா பாதிப்பு நாளுக்கு , நாள் அதிகரித்து வருகிறது. இன்று வரை தமிழகத்தில் 78,335 பேர் பாதிக்கப்பட்டுள்ளனர். உயிரிழந்தவர்களின் எண்ணிக்கை 1,025ஆக அதிகரித்துள்ளது.

கொரோனாவை கட்டுப்படுத்த அரசு பல்வேறு நடவடிக்கைகளை எடுத்தும் வருகிறது. குறிப்பாக இதன் பாதிப்பு சென்னை உள்ளிட்ட 4 மாவட்டங்களில் அதிகமாகி இருந்தது. தற்போது மேலும் பல மாவட்டங்களில் அதிகரிக்க தொடங்கியுள்ளது.

இந்நிலையில் தமிழகத்தில் நாளை மறுநாள் முதல் ஜூலை மாதம் 15 ம் தேதி வரை சிறப்பு ரயில்கள் ரத்து செய்யப்படுகிறது. திருச்சி - செங்கல்பட்டு , மதுரை - விழுப்புரம் , கோயம்புத்தூர் - காட்பாடி , கோயம்புத்தூர் - மயிலாடுதுறை ,

திருச்சி - நாகர்கோயில் , கோயம்புத்தூர் - அரக்கோணம் சிறப்பு ரயில்கள் ரத்து செய்யப்படுகிறது. கொரோனா பரவல் வேகம் எடுத்திருப்பதைத் தொடர்ந்து தமிழ்நாடு அரசு கோரிக்கையை ஏற்று சிறப்பு ரயில்கள் ரத்து செய்யப்பட்டுள்ளதாக தெற்கு ரயில்வே அறிவித்துள்ளது

Newstm.in