.png)
பல உயிர்களை காப்பாற்றிய பாம்பு பிடி வீரர் உயிரிழப்பு..!
கொல்லத்தை சேர்ந்தவர் சஜு ராஜ். இவர் ஈரூர் சௌமியா பவனில் பாம்புகளை பராமரிக்கிறார். இவருக்கு திருமணமாகி மனைவி மற்றும் இரண்டு மகள்கள் உள்ளனர். ஈரூர் பகுதியில் உள்ள வீடுகளுக்குள் பாம்புகள் புகுந்தால், சஜு ராஜை தேடி வருகின்றனர். பாம்பு பிடிப்பவரான இவர், அப்பகுதியில் தொல்லை தரும் பாம்புகளை பிடித்து பாதுகாப்பான இடங்களுக்கு விடுவித்து வருகிறார்.
இந்நிலையில், கடந்த டிசம்பர் 29ஆம் தேதி (ஞாயிற்றுக்கிழமை) ஈரூர், தேகேவயல் காலனி அருகே உள்ள வீட்டுக்குள் புகுந்த பாம்பு இவர்களது வீட்டில் இருந்த நபரை கடித்துள்ளது. இதனால் பதற்றமடைந்த வீட்டின் உரிமையாளர், உடனடியாக சஜு ராஜூக்கு போன் செய்தார். சம்பவ இடத்துக்கு வந்த சஜு, வீட்டுக்குள் புகுந்த பாம்பை தேடினார். வீட்டிற்குள் பாம்பு இல்லாததால், அருகில் உள்ள புதரில் இருக்கலாம் என நினைத்து சுத்தம் செய்தனர். தேடி பார்த்த சஜு நாகப்பாம்பை கண்டுபிடித்து பிடித்தார். அதைப் பிடித்து உரிமையாளரிடம் காட்டியபோது, எதிர்பாராதவிதமாக பாம்பு சஜு ராஜைக் கடித்தது.
உடனடியாக கொட்டியத்தில் உள்ள தனியார் மருத்துவமனைக்கு சஜுவை அழைத்துச் சென்றபோது, அவரது உடல்நிலை மிகவும் மோசமாக இருந்தது. அவருக்கும் தீவிர சிகிச்சை அளிக்கப்பட்டு வந்தது. இதற்கிடையில், டிசம்பர் 31ம் தேதி இறந்ததாக கூறப்படுகிறது.பல கொடிய விஷ பாம்புகளை பிடித்து பலரது உயிரை காப்பாற்றிய சஜு, பாம்பு பிடிக்கும் போது உயிரிழந்தது அப்பகுதியில் சோகத்தை ஏற்படுத்தியது.