சென்னையில் 13 ஆண்டுகளுக்குப் பிறகு அதிக மழை.. பதிவான வரலாறு !!

 | 

வளிமண்டல மேலடுக்கு சுழற்சி, தென்மேற்கு பருவக்காற்று காரணமாக தமிழகத்தில் பல்வேறு பகுதிகளில் பரவலாக மழை பெய்து வருகிறது. குறிப்பாக கோவை, நீலகிரி மாவட்டங்களில் கனமழை பெய்தது.

அதேபோல், சென்னையிலும் கடந்த ஒரு வாரமாக மழை பெய்கிறது. மாலை, இரவு நேரங்களில் பலத்த காற்றுடன் மழை பெய்து வருகிறது. தொடர் மழை காரணமாக சென்னையில் பதிவாகும் மழை அளவு நாளுக்கு நாள் அதிகரித்து வருகிறது. ஜூலை 1ஆம் தேதி முதல் நேற்று முன்தினம் வரை நுங்கம்பாக்கம் வானிலை ஆய்வு மையத்தில் 220.5 மில்லி மீட்டர் மழை பதிவாகி இருக்கிறது.

13 ஆண்டுகளுக்கு முன்பு அதாவது 2007ஆம் ஆண்டு ஜூலை மாதம் சென்னையில் 243.9 மி.மீ.மழை பதிவாகி இருந்தது. இந்த ஆண்டு தென்மேற்கு பருவமழை தொடங்கிய ஜூன் 1ஆம் தேதி முதல் ஜூலை 20ஆம் தேதி வரை 275.2 மி.மீ. மழை பதிவாகி இருக்கிறது. மீனம்பாக்கத்தில் ஜூன் 1ஆம் தேதி முதல் ஜூலை 20ஆம் தேதி வரை 207.4 மி.மீ. மழை பதிவாகி இருக்கிறது. 13 ஆண்டுகளுக்கு பிறகு இந்த ஆண்டு சென்னையில் ஜூலை மாதம் அதிக மழை பெய்துள்ளது. 

ஜூலை மாதத்தில் 121.3 மி.மீ. மழை பதிவாகி இருக்கிறது. நுங்கம்பாக்கம், மீனம்பாக்கத்தில் சேர்ந்து இந்த வருடம் ஜூன் 1ஆம் தேதி முதல் ஜூலை 21ஆம் தேதி வரை 216.3 மி.மீ. மழை பதிவாகி இருக்கிறது. வழக்கமாக 144 மி.மீ. மழை பெய்யும். இந்த ஆண்டு அதிக மழை பெய்துள்ளது இதன்மூலம் தெரியவந்துள்ளது.

ஜூலை மாதம் அதிகமாக பெய்து வருவது குறித்து சென்னை வானிலை ஆய்வு மைய இயக்குனர் புவியரசன் விளக்கம் அளித்தார். அவர் கூறியதாவது, தென்மேற்கு பருவமழை குறையும் போது சென்னை உள்பட பல இடங்களில் மழை பெய்வது இயல்பு. அதுபோலவே தற்போது மழை பெய்து இருக்கிறது. ஈரப்பதத்துடன் கூடிய தென்கிழக்கு காற்று வீசியதால் இந்த மழை கிடைத்து இருக்கிறது என தெரிவித்தார்.

தனியார் வானிலையாளர் பிரதீப்ஜான் கூறும்போது, ‘‘கடந்த 17 மற்றும் 18-ந் தேதிகளில் சென்னை நுங்கம்பாக்கத்தில் 136.6 மி.மீ. மழை பதிவாகி இருக்கிறது. இது 200 ஆண்டுகளுக்கு முன்பு 1813-ம் ஆண்டில் பெய்த மழை பொழிவாகும். வரும் 25ஆம் தேதி மாலை மீண்டும் சென்னையில் மழைக்கு வாய்ப்புள்ளது என்றார்.  

newstm.in

recommended for you

எடிட்டர் சாய்ஸ்

வீடியோ

NEWSTM TOP