குட் நியூஸ்..! பல்வேறு பொருட்களுக்கான ஜிஎஸ்டி வரி குறைகிறது..!

பல வருடங்களாக ஆயுள் காப்பீடு மற்றும் மூத்த குடிமக்களுக்கான மருத்துவ காப்பீட்டு தவணைக்கு GSTயில் இருந்து விலக்கு அளிக்க வேண்டும் என்று கோரிக்கை வைக்கப்பட்டு வந்தது. தற்போது, இது தொடர்பாக முக்கிய அறிவிப்பு ஒன்று வெளியாகியுள்ளது. 

ஜிஎஸ்டி விகிதத்தை பகுத்தறிவு செய்வது தொடர்பாக சனிக்கிழமை நடைபெற்ற அமைச்சர்கள் குழு கூட்டத்தில் இந்த முடிவு எடுக்கப்பட்டுள்ளது. பீகார் மாநிலத் துணை முதலமைச்சரும், அமைச்சர்கள் குழுவின் ஒருங்கிணைப்பாளருமான சாம்ராட் சவுத்ரி தலைமையிலான, ஜிஎஸ்டி விகிதத்தை ஒழுங்குபடுத்துவது தொடர்பான, இந்தக் கூட்டத்தின் முடிவால், 22,000 கோடி ரூபாய் வருவாய் கிடைக்கும் என்று கூறப்பட்டுள்ளது. 20 லிட்டர் மற்றும் அதற்கு மேற்பட்ட தண்ணீர் பாட்டில்கள் மீதான ஜிஎஸ்டி வரியை 18 சதவீதத்தில் இருந்து 5 சதவீதமாக குறைக்க வேண்டும் என்று பரிந்துரைக்கப்பட்டுள்ளது. இது தவிர உடற்பயிற்சி குறிப்பேடுகள் மீதான ஜிஎஸ்டியை 12 சதவீதத்தில் இருந்து 5 சதவீதமாக குறைக்கவும் பரிந்துரைக்கப்பட்டது.ஹெல்த் இன்சூரன்ஸ் பாலிசி பிரீமியங்கள் மற்றும் லைஃப் இன்சூரன்ஸ் பிரீமியங்களில் ரூ.5 லட்சம் வரை கவரேஜ் கொண்ட ஜிஎஸ்டி வரி விலக்கு அளிக்க முன்மொழியப்பட்டுள்ளது.

மேலும் சைக்கிள் மற்றும் நோட்டுகள் மீதான ஜிஎஸ்டி வரியை 5 சதவீதமாக குறைக்க வேண்டும் என்றும் கூறியுள்ளது., உயர் ரக கைக்கடிகாரங்கள் மற்றும் காலணிகளுக்கு ஜிஎஸ்டி 28 சதவீதமாக இருக்க வேண்டும் என்றும் கூறப்பட்டுள்ளது.

அதேபோல, 10,000 ரூபாய்க்கும் குறைவான சைக்கிள்களுக்கான ஜிஎஸ்டி வரியை 12 சதவீதத்தில் இருந்து 5 சதவீதமாக குறைக்க பரிந்துரை செய்யப்பட்டுள்ளது. இந்த பரிந்துரைகள் மீது ஜிஎஸ்டி கவுன்சில் இறுதி முடிவு எடுக்கும். 15,000 ரூபாய்க்கு மேல் விலை கொண்ட காலணிகள் மற்றும் 25,000 ரூபாய்க்கு மேல் விலையுள்ள கைக்கடிகாரங்கள் மீது ஜிஎஸ்டி வரியை 18 சதவீதத்திலிருந்து 28 சதவிகிதமாக உயர்த்தவும் பரிந்துரை செய்யப்பட்டுள்ளது.

மேலும், 20 லிட்டர் பேக்கேஜ் செய்யப்பட்ட குடிநீருக்கான ஜிஎஸ்டியை 18 சதவீதத்தில் இருந்து 5 சதவீதமாகக் குறைக்கவும் அரசு ஆணையம் பரிந்துரை செய்துள்ளது. 10,000க்கு குறைவான சைக்கிள்களுக்கான ஜிஎஸ்டி வரியை 12 சதவீதத்தில் இருந்து 5 சதவீதமாக குறைக்க வேண்டும் என்றும் பரிந்துரைக்கப்பட்டுள்ளது.

ஆறு உறுப்பினர்களைக் கொண்ட இந்தக் குழுவில் உத்தரப் பிரதேச மாநில நிதியமைச்சர் சுரேஷ் குமார் கன்னா, ராஜஸ்தான் மாநில சுகாதார சேவைகள் துறை அமைச்சர் கஜேந்திர சிங், கர்நாடக மாநில வருவாய்த் துறை அமைச்சர் கிருஷ்ண பைரே கவுடா, கேரள நிதியமைச்சர் கே.என்.பாலகோபால் ஆகியோர் இடம்பெற்றுள்ளனர்.