உங்கள் ஆதார் வயசு 10 ஆச்சா ? அப்போ உடனே இதைச் செய்யணும்!

நீங்கள் உங்களுடைய ஆதார் கார்டை உருவாக்கி 10 ஆண்டுகள் ஆகிவிட்டால் உங்கள் ஆதார் விவரங்களை புதுப்பித்தே ஆகவேண்டும். இளம் வயதில் பெறப்பட்ட ஆதார் பயனர்கள் 15 வயதுக்கு மேற்பட்டவர்களாக இருந்தால், அவர்களின் பயோமெட்ரிக் விவரங்களை இப்போது புதுப்பிக்க வேண்டும்.

மேலும், கைரேகை அல்லது கருவிழி ஸ்கேன் போன்ற உங்கள் பயோமெட்ரிக் தரவு விபத்து, அறுவை சிகிச்சை அல்லது மருத்துவ நிலை ஆகியவற்றால் பாதிக்கப்பட்டிருந்தால் அந்த மாற்றங்களைப் பிரதிபலிக்க உங்கள் ஆதார் கார்டை உடனே புதுப்பிக்க வேண்டும். இல்லாவிட்டால் பல்வேறு சிரமங்கள சந்திக்க நேரிடும்.

ஆதார் கார்டு என்பது இந்தியர்கள் அனைவருக்கும் மிக முக்கியமான ஆவணமாக உள்ளது. இது வெறும் அடையாள அட்டை மட்டுமல்ல; அரசின் நலத்திட்ட உதவிகளைப் பெறுவதற்கு ஆதார் கார்டு அவசியம். எனவே உங்களுடைய ஆதார் கார்டில் அனைத்து விவரங்களை அப்டேட்டாக வைத்திருப்பது நல்லது. இல்லாவிட்டால் பிரச்சினைதான்.

உங்கள் ஆதார் கார்டு விவரங்கள் காலாவதியானதாகவோ அல்லது தவறாகவோ இருந்தால், ஆதார் அங்கீகரிக்கப்பட்ட சேவைகளைப் பெறுவதில் சில சிக்கல்களைச் சந்திக்க நேரிடும். தவறான முகவரி நிதி பரிவர்த்தனைகளில் சிக்கல்களை ஏற்படுத்தலாம். தவறான பயோமெட்ரிக் தரவு உங்கள் அங்கீகாரத்தை மாற்றலாம். எனவே இந்த விவரங்களை எப்போதுமே அப்டேட்டாக வைத்திருக்க வேண்டும்.