உடனே விண்ணப்பீங்க..! ரயில்வேயில் 434 காலிப்பணியிடங்கள் அறிவிப்பு..!

செவிலியர், டயாலிசிஸ் டெக்னீஷியன், சுகாதார ஆய்வாளர், பார்மசிஸ்ட், ரேடியோகிராப்பர், ECG டெக்னீஷியன், ஆய்வக உதவியாளர் ஆகிய பதவிகளில் 434 காலிப்பணியிடங்களுக்கு விண்ணப்பிக்கலாம்.

ரயில்வே துணை மருத்துவ வேலைவாய்ப்பு 2025

வயது வரம்பு

• ரயில்வே பணியிடங்களுக்கு 01.01.2026 தேதியின்படி வயது வரம்பு நிர்ணயிக்கப்பட்டுள்ளது.
• செவிலியர் கண்காணிப்பாளர் பதவிக்கு 20 முதல் 40 வயது வரை இருக்கலாம்.
• டயாலிசிஸ் டெக்னீஷியன் பதவிக்கு 20 முதல் 33 வரை இருக்கலாம்.
• சுகாதார் ஆய்வாளர் பதவிக்கு 18 முதல் 33 வரை இருக்கலாம்.
• பார்மசிஸ்ட் பதவிக்கு 20 முதல் 35 வயது வரை இருக்கலாம்.
• ரேடியோகிராப்பர் பதவிக்கு 19 முதல் 33 வரை இருக்கலாம்.
• ECG டெக்னீஷியன் பதவிக்கு 18 முதல் 33 வரை இருக்கலாம்.
• ஆய்வக உதவியாளர் பதவிக்கு 18 முதல் 33 வயது வரையும் இருக்கலாம்.
• வயது வரம்பில் 5 வருடங்கள் வரையும், ஒபிசி பிரிவில் 3 வருடங்கள் வரையும், மாற்றுத்திறனாளிகள் 10 முதல் 15 வருடங்கள் வரை தளர்வு உள்ளது.

கல்வித்தகுதி

• செவிலியர் பதவிக்கு 3 வருட பொது நர்சிங் மற்றும் மருத்துவச்சி படிப்பு அல்லது நர்சிங் இளங்கலை பட்டப்படிப்பு முடித்திருக்க வேண்டும். மேலும் நர்ஸ் தகுதிக்கான பதிவு செய்திருக்க வேண்டும்.
• டயாலிசிஸ் டெக்னீஷியன் பதவிக்கு இளங்கலை பட்டப்படிப்புடன் Haemodialysis டிப்ளமோ பெற்றிருக்க வேண்டும் அல்லது 2 ஆண்டு in-house பயிற்சி/ அனுபவம் பெற்றிருக்க வேண்டும்.
• சுகாதார் ஆய்வாளர் பதவிக்கு வேதியியல் பாடமாக கொண்டு இளங்கலை பட்டப்படிப்பு முடித்திருக்க வேண்டும். மேலும், சுகாதார் ஆய்வாளர் 1 வருட டிப்ளமோ அல்லது தேசிய தொழிற்பயிற்சி சான்றிதழ் ஆகியவற்றை பெற்றிருக்க வேண்டும்.
• பார்மசிஸ்ட் பதவிக்கு 12-ம் வகுப்பு தேர்ச்சி பின்னர் பார்மசி டிப்ளமோ அல்லது பார்மசி இளங்கலை பட்டப்படிப்பு (B.Pharma) தேர்ச்சி பெற்றிருக்க வேண்டும்.
• ரேடியோகிராப்பர் பதவிக்கு 12-ம் வகுப்பு தேர்ச்சி பெற்று 12-ம் வகுப்பில் இயற்பியல் மற்றும் வேதியியல் பாடங்களுடன் தேர்ச்சி பெற்று, ரேடியோகிராப்பி/ X Ray டெக்னீஷியன்/ ரேடியோ நோய் கண்டறிதல் தொழில்நுட்பம் ஆகியவற்றில் டிப்ளமோ முடித்திருக்க வேண்டும்.
• ECG டெக்னீஷியன் பதவிக்கு ஈசிஜி ஆய்வக தொழில்நுட்பம் / இருதயவியல் / இருதயவியல் தொழில்நுட்ப வல்லுநர் / இருதயவியல் நுட்பங்கள் ஆகியவற்றில் ஏதேனும் ஒன்றில் சான்றிதழ் படிப்பை முடித்திருக்க வேண்டும்.
• ஆய்வக உதவியாளர் பதவிக்கு 12-ம் வகுப்பு தேர்ச்சி, DMLT/ மெடிக்கல் லேப் ஆகியவற்றில் டிப்ளமோ பெற்றிருக்க வேண்டும்.

சம்பள விவரம்

• இப்பணியிடங்களுக்கு 7வது ஊதிய குழுவின் அடிப்படையில் நிலை 3 முதல் நிலை 7 வரை சம்பளம் வழங்கப்படும்.
• செவிலியர் கண்காணிப்பாளர் பதவிக்கு தொடக்கமே ரூ.44,900 சம்பளம் நிர்ணயிக்கப்பட்டுள்ளது.
• டயாலிசிஸ் டெக்னீஷியன் பதவிக்கு ரூ.35,400
• சுகாதார் ஆய்வாளர் கிரேடு - 2 பதவிக்கு ரூ.35,400
• பார்மசிஸ்ட் பதவிக்கு ரூ.29,200
• ரேடியோகிராப்பர் பதவிக்கு ரூ.29,200
• ECG டெக்னீஷியன் பதவிக்கு ரூ.25,500
• ஆய்வக உதவியாளர் கிரேடு - 2 பதவிக்கு ரூ.21,700 வழங்கப்படும்.

தேர்வு செய்யப்படும் முறை

ரயில்வே துணை மருத்துவப் பணியிடங்களுக்கு ஒரே கட்ட ஆன்லைன் எழுத்துத் தேர்வு மற்றும் சான்றிதழ் சரிபார்ப்பு நடத்தப்படும். எழுத்துத் தேர்வு 100 கேள்விகளுடன் 100 மதிப்பெண்களுக்கு நடைபெறும். இதில் தேர்ச்சி பெறும் நபர்கள் சான்றிதழ் சரிபார்ப்பிற்கு அழைப்பு விடுக்கப்படுவார்கள். சான்றிதழ் சரிப்பார்ப்பிற்கு மருத்துவ பரிசோதனை பின்பு பணி நியமனம் வழங்கப்படும்.

விண்ணப்பிக்கும் முறை

ரயில்வே பணிக்கு விண்ணப்பிக்க விரும்புகிறவர்கள் https://www.rrbchennai.gov.in/ என்ற இணையதளத்தில் ஆன்லைன் வழியாக பதிவு செய்து விண்ணப்பிக்க வேண்டும். தேர்வு கட்டணமாக ரூ.500 செலுத்த வேண்டும். எஸ்சி, எஸ்டி, முன்னாள் ராணுவத்தினர், மாற்றுத்திறனாளிகள், பெண்கள், மூன்றாம் பாலினத்தவர்கள், பொருளாதாரத்தில் பின்தங்கியவர்கள் ரூ.250 செலுத்தினால் போதும். இப்பணியிடங்களுக்கு ஆன்லைன் விண்ணப்பம் ஆகஸ்ட் 9 முதல் தொடங்கிய நிலையில், செப்டம்பர் 8-ம் தேதி வரை விண்ணப்பிக்கலாம். இதற்கான தேர்வு தேதி பின்னர் அறிவிக்கப்படும். அறிவிப்பை பார்க்க இங்கே கிளிக் செய்யவும்.

இந்தியன் ரயில்வே இருக்கும் துணை மருத்துவப் பணியிடங்களுக்கு இந்தாண்டு தேர்வு எழுத தயாராக உள்ளவர்கள், இந்த வாய்ப்பைப் பயன்படுத்திகொள்ளலாம்.