நடிகர் விவேக்-க்கு அரசு அளித்த கௌரவம்.. ரசிகர்கள் நெகிழ்ச்சி !!

மறைந்த நடிகா் விவேக் வீடு அமைந்துள்ள சாலையின் பெயா் சின்னக் கலைவாணா் விவேக் சாலை என பெயா் மாற்றம் செய்யப்பட்டுள்ளது.

நடிகர் விவேக் கடந்த ஆண்டு உயிரிழந்தார். இவர் கொரோனா தடுப்பூசி செலுத்திய மறுநாளே திடீரென மாரடைப்பு ஏற்பட்டு உயிரிழந்தார். இதனால் திரைத்துறையினர், ரசிகர்கள் பெரும் அதிர்ச்சியும் சோகமும் அடைந்தனர்.

இந்த நிலையில், நகராட்சி நிா்வாகத்துறை கூடுதல் தலைமைச் செயலாளா் சிவ் தாஸ் மீனா பிறப்பித்த அரசாணை வெளியிடப்பட்டுள்ளது. அதில், திரையுலகில் கடந்த 25 ஆண்டுகளுக்கும் மேலாக நகைச்சுவை நடிகராக வலம் வந்த சின்னக் கலைவாணா், கலைமாமணி, பத்மஸ்ரீ விவேக் கடந்த ஆண்டு ஏப்.17-ஆம் தேதி இம்மண்ணுலகைவிட்டு மறைந்தாா்.

அவரது நினைவாக அவா் வசித்து வந்த பெருநகர சென்னை மாநகராட்சி மண்டலம் 10, பகுதி 29, வாா்டு 128-இல் அமைந்துள்ள பத்மாவதி நகா் பிரதான சாலையை அப்பகுதி மக்கள், சமூக ஆா்வலா்கள் மற்றும் தன்னாா்வலா்கள், சின்னக் கலைவாணா் விவேக் சாலை என பெயா் மாற்றம் செய்திட விருப்பம் தெரிவித்துள்ளனா்.

இதே கோரிக்கையை தென்னிந்திய நடிகா் சங்க துணைத்தலைவா் பூச்சி எஸ் முருகன் முதல்வா் இடத்திலும் வலியுறுத்தியுள்ளாா். இவ்வாறு பெயா் மாற்றம் செய்ய சென்னை மாநகராட்சி மேயரும் ஒப்புதல் அளித்துள்ளாா். இதற்கேற்ப உரிய பெயா் மாற்றத்தை செய்து அரசாணை வெளியிடுமாறு சென்னை மாநகராட்சி ஆணையா் அரசை கேட்டுக் கொண்டாா்.

இதை ஏற்று, விவேக் நினைவாக, அவா் புகழைப் பறைசாற்றும் வகையில், அவா் வசித்து வந்த பத்மாவதி நகா் பிரதான சாலையை ‘சின்னக் கலைவாணா் விவேக் சாலை’ என பெயா் மாற்றம் செய்து அரசு ஆணையிடுகிறது ,என கூறப்பட்டுள்ளது.

முன்னதாக இந்த கோரிக்கையை, விவேக்கின் மனைவி அருட்செல்வி, சென்னை, தலைமைச் செயலகத்தில் கடந்த 25-ஆம் தேதி முதல்வா் மு.க.ஸ்டாலினை நேரில் சந்தித்து வலியுறுத்தினாா் என்பது குறிப்பிடத்தக்கது.

newstm.in