ரேஷன் கடைகளில் காலி பணியிடம் நிரப்பும் அறிவிப்பு ரத்து..!

திருவள்ளூர் மாவட்டத்தில், கூட்டுறவு சங்கங்களின் பதிவாளர் கட்டுப்பாட்டில் செயல்படும் ரேஷன் கடைகள் மற்றும் கூட்டுறவு நிறுவனம் நடத்தும் ரேஷன் கடைகளில் கடந்த 2020-ம் ஆண்டு ஏப்ரல் 1-ம் தேதி, காலி பணியிடங்களுக்கு விண்ணப்பம் பெறப்பட்டது.

அதன்படி, காலியாக இருந்த 79 விற்பனையாளர், 20 கட்டுநர் பணியிடங்களுக்கு விண்ணப்பங்கள் பெறப்பட்டு, அதே ஆண்டு டிசம்பர் மாதம் 7 முதல் 24-ம் தேதி வரை நேர்முகத் தேர்வு நடைபெற்றது.

இந்நிலையில், “2012-ம் ஆண்டு ஆகஸ்ட் மாதம் 25-ம் தேதி, கூட்டுறவுத் துறை அமைச்சர் வெளியிட்ட அறிவிப்பு மற்றும் 2020-ம் ஆண்டு ஜூன் 10-ம் தேதி திருவள்ளூர் மாவட்ட ஆள்சேர்ப்பு நிலையம் வாயிலாக விற்பனையாளர் மற்றும் கட்டுநர் காலி பணியிடங்களை நிரப்பும் அறிவிப்பும் ரத்து செய்யப்படுகிறது” என்று, திருவள்ளூர் மாவட்ட இணை பதிவாளர் மற்றும் மாவட்ட ஆள்சேர்ப்பு நிலைய தலைவர் பா.ஜெயஸ்ரீ தெரிவித்துள்ளார்.