+2 மாணவர்களுக்கான பொதுத்தேர்வு மார்ச் 1- ல் தொடக்கம்..!

இன்று (நவ.16) காலை 09.30 மணிக்கு செய்தியாளர்களைச் சந்தித்த அமைச்சர் அன்பில் மகேஷ் பொய்யாமொழி, தமிழகத்தில் 10, 11, 12 வகுப்புகளுக்கான பொதுத்தேர்வு கால அட்டவணையை வெளியிட்டார்.

“12- ம் வகுப்பு மாணவர்களுக்கான பொதுத்தேர்வு மார்ச் 1- ல் தொடங்கி, மார்ச் 22-ம் தேதி வரை நடைபெறும்; 10- ம் வகுப்பு மாணவர்களுக்கான பொதுத்தேர்வு மார்ச் 26- ல் தொடங்கி, ஏப்ரல் 8-ம் தேதி வரை நடைபெறும். 11- ம் வகுப்பு மாணவர்களுக்கான பொதுத்தேர்வு மார்ச் 4- ல் தொடங்கி, மார்ச் 25- ம் தேதி வரை நடைபெறும்.

பிப்ரவரியில் செய்முறைத் தேர்வுகள்: 10 ஆம் வகுப்பு மாணவர்களுக்கு பிப்ரவரி 23 ஆம் தேதி செய்முறைத் தேர்வு தொடங்குகிறது. 29 ஆம் தேதி வரை நடைபெறுகிறது. 11 ஆம் வகுப்பு மாணவர்களுக்கு பிப்ரவரி 19 ஆம் தேதி தொடங்கி 24 ஆம் தேதி வரை நடைபெறுகிறது. பிளஸ் 2 செய்முறைத் தேர்வு பிப்ரவரி 12-ல் தொடங்கி பிப்ரவரி 17 வரை நடைபெறுகிறது.

10 ஆம் வகுப்பு தேர்வு அட்டவணை

பாடங்கள்	தேர்வு தேதி
தமிழ்	26.03.2024
ஆங்கிலம்	28.03.2024
கணிதம்	01.04.2024
அறிவியல்	04.04.2024
சமூக அறிவியல்	08.04.2024

12 ஆம் வகுப்பு தேர்வு அட்டவணை

பாடங்கள்	தேதி
மொழிப் பாடம்	01.03.2024
ஆங்கிலம்	05.03.2024
கணினி அறிவியல், உயிரி-அறிவியல், புள்ளியியல்,	08.03.2024
வேதியியல், கணக்குப் பதிவியியல், புவியியல்	11.03.2024
இயற்பியல், பொருளாதாரம், கணினி தொழில்நுட்பம்	15.03.2024
கணிதம், விலங்கியல், நுண் உயிரியல்	19.03.2024
உயிரியல், தாவரவியல், வரலாறு, வணிகக் கணிதம் மற்றும் புள்ளியியல், பேஸிக் எலக்ட்ரானிக்ஸ் பொறியியல், பேஸிக் சிவில் பொறியியல், பேஸிக் ஆட்டோமொபைல் பொறியியல், பேஸிக் மெக்கானிக்கல் பொறியியல், டெக்ஸ்டைஸ் டெக்னாலஜி, ஆஃபீஸ் மேனேஜ்மென்ட் அண்ட் செக்ரட்டரிஷிப்	22.03.2024

 

தேர்வு முடிவுகள் எப்போது? 10 ஆம் வகுப்புக்கு மே.10 ஆம் தேதி தேர்வு முடிவுகள் வெளியிடப்படுகிறது. 11 ஆம் வகுப்புக்கு மே.14 ஆம் தேதியும், பிளஸ் 2 மாணவர்களுக்கு மே 6 ஆம் தேதியும் தேர்வு முடிவுகள் வெளியிடப்படுகின்றன.