குறைந்த மதிப்பெண் பெற்றதால் குளியல் அறையில் மாணவி தற்கொலை!!

சிவகங்கை மாவட்டம் காரைக்குடி அருகே புதுவயல் பகுதியில் வசித்து வருபவர் மாங்குடி. இவருக்கு மொத்தம் மூன்று மகள்கள் உள்ளனர். இவரது மூத்த மகள் ஹரியஜோதி (16). இவர், புதுவயல் பகுதியில் உள்ள தனியார் பள்ளியில் 11ம் வகுப்பு படித்து வந்தார். கடந்த மாதம் 11ம் வகுப்பு தேர்வுகள் முடிவடைந்த நிலையில் நேற்று தேர்வின் முடிவுகள் வெளியாகின.

அதில் அந்த மாணவி 600 மதிப்பெண்களுக்கு 339 மதிப்பெண்கள் பெற்று தேர்ச்சி அடைந்துள்ளார். இருப்பினும் தான் மிகவும் குறைந்த மதிப்பெண்கள் பெற்றதாக கூறி மனவேதனையுடன் அந்த மாணவி இருந்து வந்துள்ளார்.

இந்த நிலையில் அவரது வீட்டில் மாலை நேரத்தில் யாரும் இல்லாத சமயம் பார்த்து குளியல் அறையில் மாணவி தூக்கிட்டு தற்கொலை செய்து கொண்டுள்ளார். வெளியே சென்ற பெற்றோர்கள் மீண்டும் வீட்டிற்கு வந்து பார்த்தபோது மகள் தூக்கில் தொங்கியதைக் கண்டு அதிர்ச்சி அடைந்துள்ளனர்.

பின்னர் இந்த சம்பவம் குறித்து அக்கம் பக்கத்தில் சாக்கோட்டை போலீசாருக்கு தகவல் கொடுத்துள்ளனர். தகவலின் பேரில் சம்பவ இடத்திற்கு விரைந்து வந்த போலீசார் உயிரிழந்த மாணவியின் உடலை கைப்பற்றி காரைக்குடி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர்.

தொடர்ந்து மாணவியின் தற்கொலை சம்பவம் குறித்து வழக்குப் பதிவு செய்து விசாரணை நடத்தி வருகின்றனர். 11ம் வகுப்பு பொதுத் தேர்வில் மாணவி தேர்ச்சி பெற்ற நிலையிலும் குறைந்த மதிப்பெண்கள் பெற்றதாக கருதி தூக்கிட்டு தற்கொலை செய்து கொண்ட சம்பவம் அவரது குடும்பத்தினர் மத்தியிலும் அப்பகுதியினர் மத்தியிலும் பெரும் சோகத்தையும் அதிர்ச்சியையும் ஏற்படுத்தி உள்ளது.