ஆசிய போட்டி: இந்தோனேசியாவை 8-0 என துவம்சம் செய்தது இந்தியா

ஆசிய விளையாட்டில் மகளிர் ஹாக்கி துவக்க ஆட்டத்தில் இந்தோனேசியாவை வீழ்த்தி இந்தியா வெற்றி பெற்றது.

இந்தோனேசியாவில் ஜகார்தா மற்றும் பலேம்பாங் நகரில் ஆசிய விளையாட்டுப் போட்டிகள் நடைபெற்று வருகின்றது. இதில் நேற்று ஹாக்கி பி பிரிவில் இடம் பெற்ற இந்தியா- இந்தோனேசியா மகளிர் அணிகளுக்கு இடையிலான துவக்க போட்டி நடந்தது. 60 நிமிடத்தில் இந்தியா, 31க்கும் மேற்பட்ட ஷாட்களை அடித்தது. 19 பெனால்டி கார்னர் வாய்ப்புகளில் இந்தியா 3 கோல்கள் அடித்தது. அந்த மூன்று கோல்களும் குர்ஜித் அடித்தார். போட்டியில் இந்தோனேசியா கடைசி நிமிடம் வரை ஒரு கோல் கூட அடிக்கவில்லை. இதனால் துவக்க போட்டியில் 8-0 என இந்தியா, இந்தோனேசியாவை துவம்சம் செய்தது.

இந்திய தரப்பில் குர்ஜித் கவுர் 16-வது, 22-வது மற்றும் 57-வது நிமிடங்களில் ஹாட்ரிக் கோல் அடித்தார். வந்தனா கட்டாரியா (13-வது, 27-வது) 2 கோல்களும், உதித்தா (6-வது), லாளரேமசியாமி (24-வது), நவநீத் கவுர் (50-வது) ஒரு கோலும் அடித்தனர்.

2014ம் ஆண்டு ஆசிய போட்டியில் வெண்கலம் வென்ற இந்தியா, அடுத்த போட்டியில் கஜகஸ்தான் அணியை எதிர்கொள்கிறது.

newstm.in