ஆஸ்துமாவை  தூண்டும் காரணிகள் !

ஆஸ்துமா தாக்குதலின் அறிகுறிகளாக  இருமல், மார்பு இறுக்கம், மூச்சுத்திணறல் மற்றும் சுவாசிப்பதில் சிக்கல் போன்றவை  தோன்றும். ஆஸ்துமாவை தூண்டக்கூடிய காரணிகள் சிலவற்றை இங்கே காணலாம்.  இவற்றை புறக்கணிப்பதன் மூலம் ஆபத்தை விளைவிக்க கூடிய ஆஸ்துமா பிரச்னையில் இருந்து தப்பிக்க இயலும்.

புகை: 

சிகரெட் புகைப்பவர்களுக்கு ஆஸ்துமா வருவதற்கான வாய்ப்புகள் அதிகம். அதோடு புகைப்பிடிப்பவர்களுக்கு அருகாமையில் இருப்பதும் ஆஸ்துமாவை தூண்டக்கூடிய காரணியாக இருக்கிறது.

தூசி: 

சுற்றுப்புறங்களில் உள்ள தூசித் துகள்கள், குளிர்ந்த காற்று, வெப்பநிலையில் ஏற்படும் மாற்றங்கள், ஈரப்பதம், மழை, விறகு எரியும் பயோமாஸ் புகை, புல் ஆகியவை ஆஸ்துமா தாக்குதலைத் தூண்டும்.

காற்று மாசுபாடு: 

நகர்ப்புற சூழல்களில் ஆஸ்துமாவை வளர்ப்பதற்கான முக்கிய  காரணிகளில் ஒன்றாக காற்று மாசுபடு எ கருதபடுகிறது.  வாகனங்களில் இருந்து வெளியேறும் புகை, தொழிற்சாலை புகை போன்றவை காற்றில் நச்சு தன்மையை அதிகரித்து ஆஸ்துமாவை தூண்டும் காரணிகளில் முக்கியமான ஒன்றாக இருக்கிறது.

கரப்பான் பூச்சி:

வீடுகளில் கரப்பான் பூச்சி அல்லது கரப்பான் பூச்சி துகள்கள் இருந்தால்  குழந்தைகளுக்கு மிக வேகமாக ஆஸ்துமாவை ஏற்படுத்தும் என ஆய்வுகள் தெரிவிக்கின்றன.

உடற்பயிற்சி:

உடற்பயிற்சி உடலுக்கு நன்மை பயக்கக் கூடிய விஷயமாக இருந்தாலும்.  கடுமையான உடற்பயிற்சி ஆஸ்துமா நோயால் பாதிக்கப்பட்ட 80% பேருக்கு காற்றுப்பாதையை குறுக்கி உயிருக்கு ஆபத்தை உண்டாக்கும்  என கூறப்படுகிறது.

பதப்படுத்தப்பட்ட உணவுகள் :

சல்பைட் சேர்க்கைகள், பொதுவாக உணவு பதப்படுத்துதல் அல்லது தயாரிப்பில் பயன்படுத்தப்படுகின்றன. இவை ஆஸ்துமாவைத் தூண்டும் அபாயம் கொண்டவை என ஆய்வு முடிவுகள் தெரிவிக்கின்றனர்.

newstm.in
 

newstm.in