கடினமான பாறையால் துளையிடும் பணியில் தாமதம்!

கடினமான பாறைகள் இருப்பதால் ஆழ்துளை கிணறு அமைக்கும் பணி தாமதமாக நடைபெற்று வருகிறது.
 | 

கடினமான பாறையால் துளையிடும் பணியில் தாமதம்!

கடினமான பாறைகள் இருப்பதால் ஆழ்துளை கிணறு அமைக்கும் பணி தாமதமாக நடைபெற்று வருகிறது.

திருச்சி, நடுக்காட்டு பட்டியில் குழந்தை சுர்ஜித்தை மீட்கும் பணி 4வது நாளாக நடைபெற்று வருகிறது. குழந்தையை மீட்பதற்காக மேற்கொள்ளப்பட்ட பல்வேறு கட்ட நடவடிக்கைகள் தோல்வியடைந்ததையடுத்து, இறுதி கட்ட நடவடிக்கையாக குழந்தையும் இருக்கும் கிணறு அருகே 2 மீட்டர் தொலைவில் மற்றொரு கிணறு அமைத்து அதில் சுரங்கம் அமைத்து குழந்தையை மீட்க நடவடிக்கை எடுக்கப்பட்டு வருகிறது. 

குழந்தையின் அருகே குழி தோண்டப்படுவதால் குழந்தைக்கு எவ்வித பாதிப்பும் ஏற்படாத வண்ணம் மீட்பு பணி நடைபெற்று வருகிறது. இதற்காக  நேற்று காலை நவீன ரிக் இயந்திரம் வரவழைக்கப்பட்டு காலை 7 மணியளவில் பணிகள் தொடங்கின. ஆனால் ஆழ்துளை கிணறு அமைக்கும் இடத்தில் பாறைகள் இருப்பதால் பணியில் தாமதம் ஏற்பட்டது. 

இதையடுத்து அதிநவீன ஜெர்மன் தொழில்நுட்பத்தால் தயாரிக்கப்பட்ட 2வது ரிக் இயந்திரம் ராமநாதபுரத்தில் இருந்து வரவழைக்கப்பட்டது. நள்ளிரவு முதல் தற்போது வரை 2வது ரிக் இயந்திரம் மூலம் துளையிடும் பணி மேற்கொள்ளப்பட்டு வருகிறது. முதல் ரிக் இயந்திரம் 35 அடியும், 2 வது ரிக் இயந்திரம் 5 அடியும் குழி தோண்டியிருப்பதாக தகவல் வெளியாகியுள்ளது. 

Newstm.in 

newstm.in

recommended for you

எடிட்டர் சாய்ஸ்

வீடியோ

NEWSTM TOP