திருச்சியில் தனியார் கல்லூரி பேராசிரியை கடத்த முயன்றவருக்கு போலீஸ் வலைவீச்சு

திருச்சியில் தனியார் கல்லூரி பேராசிரியை கடத்தல் சம்பவத்தில் தொடர்புடைய நபரை போலீஸ் வலைவீசி தேடிவருகின்றனர்.
 | 

திருச்சியில் தனியார் கல்லூரி பேராசிரியை கடத்த முயன்றவருக்கு போலீஸ் வலைவீச்சு

திருச்சியில் தனியார் கல்லூரி பேராசிரியை கடத்தல்  சம்பவத்தில் தொடர்புடைய  நபரை போலீஸ் வலைவீசி தேடிவருகின்றனர்.

திருச்சி மலைக்கோட்டை வடக்கு வீதியை சேர்ந்தவர் ஜோதி பெரியசாமி -  நாகலட்சுமி தம்பதியினரின் மகள் 
மகாலட்சுமி. சத்திரம் பேருந்து நிலையம் அருகே உள்ள ஒரு தனியார் கல்லூரியில்
உதவி பேராசிரியராக பணிபுரிந்து வருகிறார்.

இன்று காலை மகாலட்சுமி தனது தோழியுடன் வழக்கம்போல் கல்லூரிக்கு நடந்து சென்று கொண்டிருந்தபோது மலைக்கோட்டை பகுதி அதிமுக பொருளாளரும் அமராவதி கூட்டுறவு சங்க இயக்குனருமான வணக்கம் சோமு என்பவர் 
ஒரு ஆம்புலன்சில் வந்து மகாலட்சுமியை கடத்த முயன்றபோது தடுக்கமுயன்ற தோழியை தள்ளிவிட்டு மகாலட்சுமியை வேனில் கடத்தி சென்றுவிட்டார்.

இதுகுறித்து மகாலட்சுமி பெற்றோர் கொடுத்த புகாரின்பேரில் கோட்டை போலீசார் தீவிரவிசாரணை மேற்கொண்டனர். செல்போன் சிக்னல் அடிப்படையில் துவரங்குறிச்சி அருகே  வேன்  சென்றுகொண்டிருப்பது தெரியவந்தது . இதனையடுத்து சினிமா பட பாணியில் வேனை  போலீசார் விரட்டிச் சென்றபோது, இதனை அறிந்த வணக்கம் சோமு  மகாலட்சுமியை அங்கேயே  இறக்கிவிட்டு தப்பி சென்றுவிட்டார். மகாலெட்சுமியை மீட்ட காவல்துறையினர் தப்பியோடிய சோமுவை தேடிவருகின்றனர்.

கடத்தலில் ஈடுபட்ட சோமு ஏற்கனவே திருமணமாகி  இரண்டு குழந்தைகள் உள்ள நிலையில், தன்னை காதலிக்கவேண்டும் என மகாலெட்சுமியை தொடர்ந்து வற்புறுத்தியதாக கூறப்படுகிறது.  மகாலெட்சுமி காதலிக்க மறுத்ததால் அவரை சோமு கடத்தியுள்ளதாக தெரிகிறது.

newstm.in

 

 

newstm.in

recommended for you

எடிட்டர் சாய்ஸ்

வீடியோ

NEWSTM TOP