+2 மாணவிக்கு செக்ஸ் டார்ச்சர்! தனியே வகுப்பறைக்கு வரச் சொன்ன ஆசிரியர்!

தமிழகம் முழுவதுமே சமீபகாலங்களில் பெண்களுக்கு பாலியல் தொந்தரவுகள் அதிகரித்துள்ளது. பல ஊர்களில் வேலியே பயிரை மேயும் கதையாக, பாதுகாப்பாக இருப்பார்கள் என்று நம்பும் காவலர்கள், ஆசிரியர்கள், ஆட்டோ ஓட்டுநர்கள், டியூசன் சொல்லிக் கொடுப்பவர்கள், பக்கத்து வீட்டுக்காரர்கள் என்று தெரிந்தவர்களே பெண்களுக்கு அதிகளவில் செக்ஸ் தொந்தரவு கொடுத்து வரும் சம்பவங்களும் தொடர்ந்து அரங்கேறி வருகின்றன.

இந்நிலையில், நாகர்கோவில் இடலாக்குடியில் இருக்கும் அரசு மேல்நிலைப் பள்ளியில் பிளஸ் 2 படிக்கும் மாணவி ஒருவரை, ஞாயிற்றுக்கிழமையான நேற்று, விடுமுறை தினத்திலும் தனியே வகுப்புக்கு வரும்படி தற்காலிக பள்ளி ஆசிரியர் சுரேஷ் அழைத்திருக்கிறார். 

ப்ளஸ் 2 படிக்கும் மாணவி, பன்னிரெண்டாம் வகுப்பு பொதுத் தேர்வு என்பதால், ஆசிரியரின் வார்த்தையை வீட்டிலும் சொல்லிவிட்டு, பள்ளிக்குத் தனியே சென்றுள்ளார். இதனையடுத்து, வகுப்பறைக்குச் சென்ற மாணவிக்கு அதிர்ச்சி தரும்படியாக பள்ளி ஆசிரியர் சுரேஷ் வகுப்பறையில் வைத்து மாணவிக்கு பாலியல் தொல்லை கொடுத்திருக்கிறார். கதறியழுத படியே வகுப்பில் இருந்து வேகமாக ஓட்டம் பிடித்த மாணவி, அழுது கொண்டே வீட்டிற்குச் சென்றதும் நடந்த சம்பவம் குறித்து பெற்றோரிடம் கூறியுள்ளார். 

அக்கம் பக்கத்து வீடுகளில் இருந்தவர்கள், தெரிந்த பெண் அலறியடித்துக் கொண்டு அழுதபடியே ஓடிச் செல்வதைப் பார்த்து வீட்டின் முன் திரண்டனர். நடந்த தகவலறிந்து பொதுமக்கள் அனைவரும் பள்ளிக்கு முன்பாகத் திரண்டுள்ளனர். பின்பு ஆசிரியர் சுரேஷுக்கு தர்மஅடி கொடுத்து போலீஸுக்கும் தகவல் கொடுத்துள்ளனர். 

போலீஸார் அங்கு வந்து விசாரணை நடத்தி ஆசிரியர் சுரேஷை பைக்கில் உட்காரவைத்து காவல் நிலையத்துக்குக் கொண்டு சென்றனர். பைக்கில் இருந்த சுரேஷை அப்பகுதி பொதுமக்கள் போலீஸார் முன்னிலையில் தாக்கினர். இதை சிலர் வீடியோ எடுத்து வாட்ஸ் அப்பில் வெளியிட்டனர்.
 

newstm.in