ஐ.எஸ்.எல். கால்பந்து: கொல்கத்தாவை வீழ்த்தியது பெங்களூரு !
கொல்கத்தாவில் நேற்று நடைபெற்ற ஐ.எஸ்.எல். கால்பந்து போட்டியில் கொல்கத்தா அணியை 2-1 என்ற கோல் கணக்கில் பெங்களூரு அணி வீழ்த்தி வெற்றி பெற்றுள்ளது.
5-வது இந்தியன் சூப்பர் லீக் கால்பந்து போட்டி நடைபெற்று வருகிறது. இதில் கொல்கத்தாவில் நேற்று நடைபெற்ற போட்டியில் பெங்களூரு எப்.சி, கொல்கத்தா அணிகள் மோதின. ஆட்டத்தின் 15-வது நிமிடத்தில் கொல்கத்தா அணியின் கோமல் தடால் முதல் கோல் அடித்து தனது அணியை முன்னிலைப்படுத்தினார்.
முதல் பாதியின் முடிவில் பெங்களூரு அணியின் மிக்கு ஒரு கோல் அடித்ததையடுத்து, முதல் பாதி முடிவில் இரு அணிகளும் தலா ஒரு கோல் அடித்து சமனிலையில் இருந்தன. இரண்டாவது பாதியில் எரிக் பர்தாலு 47-வது நிமிடத்தில் ஒரு கோல் அடித்தார். இதன்மூலம் 2-1 என்ற பெங்களூரு அணி முன்னிலை பெற்றது. அதன்பின்னர் ஆட்டம் முடியும்வரை எந்த அணியும் கோல் அடிக்கவில்லை.
இறுதியில், பெங்களூரு அணி 2-1 என்ற கோல் கணக்கில் கொல்கத்தா அணியை வீழ்த்தி வெற்றி பெற்றது. இது பெங்களூரு அணிக்கு கிடைத்த மூன்றாவது வெற்றியாகும். புள்ளிப்பட்டியலில் பெங்களூரு மூன்றாவது இடத்தைப் பிடித்துள்ளது.
newstm.in