ஆசிய பேட்மின்டன் அரையிறுதி: சாய்னா இன்; சிந்து அவுட்!

ஆசிய பேட்மின்டன் சாம்பியன்ஷிப் போட்டியின் அரையிறுதிச் சுற்றுக்கு இரண்டு முறை காமன்வெல்த்தில் தங்கம் வென்ற சாய்னா நேவால் மற்றும் நம்பர் 10ல் இடம் பிடித்திருக்கும் ஹெச்.எஸ். பிரணாய் முன்னேறியுள்ளனர்.

சீனாவின் வுகான் நகரில் நடைபெற்று ஆசிய பேட்மின்டன் சாம்பியன்ஷிப் பெண்கள் ஒற்றையர் போட்டியில், இந்தியாவின் முன்னணி வீராங்கனை சாய்ந்த நேவால், கொரியாவின் லீ ஜாங் மியை எதிர்கொண்டார். 43 நிமிடம் நடந்த இப்போட்டியில் சாய்னா 21-15, 21-13 என்ற நேர்செட் கணக்கில் மியை வீழ்த்தினார். அரையிறுதியில் உலகின் நம்பர் ஒன் வீராங்கனை சீன தைபேவின் தாய் ட்சு யிங்குடன், சாய்னா மோதுகிறார்.

மற்றொரு போட்டியில் 3ம் இடத்தில் இருக்கும் பி.வி. சிந்து, 19-21, 10-21 என 7ம் இடம் வகிக்கும் கொரியாவின் சுங் ஜி ஹியுனிடம் வீழ்ந்தார்.

ஆண்கள் ஒற்றையரில், நம்பர் ஒன் வீரர் ஸ்ரீகாந்த் கிடாம்பி 12-21, 15-21 என்ற கணக்கில் மலேசியாவின் லீ ஜோங் வெயிடம் தோற்றார்.

உலக தரவரிசையில் 10ம் இடத்தில் உள்ள பிரணாய், 18-21, 23-21, 21-12 என 2ம் இடம் வகிக்கும் கொரியாவின் சான் வான் ஹோவை வீழ்த்தி அரையிறுதிக்குள் நுழைந்தார். அந்த ஆட்டத்தில் பிரணாய், 3ம் இடம் வகிக்கும் சென் லோங்கை சந்திக்கிறார்.

newstm.in