ஆப்கானில் தற்கொலைப்படை தாக்குதல்; 8 பேர் உடல் சிதறி பலி!

ஆப்கானிஸ்தான் குனார் மாகாணத்தில் தற்கொலைப்படை நடத்திய தீவிரவாத தாக்குதலில் 8 பேர் பரிதாபமாக உயிரிழந்தனர்.
 | 

ஆப்கானில் தற்கொலைப்படை தாக்குதல்; 8 பேர் உடல் சிதறி பலி!

ஆப்கானிஸ்தான் குனார் மாகாணத்தில் தற்கொலைப்படை நடத்திய தீவிரவாத தாக்குதலில் 8 பேர் பரிதாபமாக உயிரிழந்தனர். 

ஆப்கானிஸ்தான் காபூல் நகர் மற்றும் அதனை  சுற்றியுள்ள பகுதிகளில் தீவிரவாதிகள் தொடர்ந்து தாக்குதல் நடத்தி வருகின்றனர். இதில் அப்பாவி பொதுமக்கள் தான் அதிகம் பாதிக்கப்படுகின்றனர். இந்நிலையில், உள்ளூர் நேரப்படி, நேற்று இரவு 8 மணியளவில்  தற்கொலைப்படை  தீவிரவாதிகள் வெடிகுண்டு தாக்குதலை நடத்தினர்.  ஆப்கானிஸ்தான் கிழக்குப் பகுதியில் குனார் மாகாணத்தில் உள்ள காவல் நிலைய பூத்திற்கு அருகே பயங்கரவாதிகள் தங்கள் உடலில் இருந்த குண்டுகளை வெடிக்கச் செய்தனர். இதில் சம்பவ இடத்திலே 8 பேர் உடல் சிதறி பலியாகினர். மேலும், 4 பேர் படுகாயமடைந்த நிலையில் மருத்துவமனையில் தீவிர சிகிச்சை பெற்று வருகின்றனர். இந்த தாக்குதல் குறித்து காவல்துறை விசாரணை நடத்தி வருகிறது. இறந்தவர்களின் விபரமும் இன்னும் தெரியவில்லை. அதேபோல் தாக்குதலுக்கு எந்த அமைப்பும் இதுவரை பொறுப்பேற்கவில்லை என்பது குறிப்பிடத்தக்கது. 

newstm.in

recommended for you

எடிட்டர் சாய்ஸ்

வீடியோ

NEWSTM TOP