ட்ரில்லியன் டாலர் நிறுவனமானது அமேசான்!
அமெரிக்க ஆன்லைன் வர்த்தக நிறுவனமான அமேசான், 1 ட்ரில்லியன் டாலர் அதாவது சுமார் ரூ.72 லட்சம் கோடி மதிப்பை கடக்கும் இரண்டாவது அமெரிக்க நிறுவனம் என்ற சாதனையை படைத்துள்ளது.
சமீபத்தில், அமெரிக்க தொழில்நுட்ப நிறுவனமான ஆப்பிளின் மதிப்பு 1 ட்ரில்லியன் டாலர்களை (1 லட்சம் கோடி டாலர்) கடந்தது. இந்நிலையில், நேற்று காலை அமேசான் நிறுவன பங்குகளின் மதிப்பு 2050.49 டாலர்களை தொட்டது. அமேசானின் பங்குகள் 1.5% உயர்ந்ததால் அந்நிறுவன பங்குகள் 1 லட்சம் கோடி டாலர்களை முதல்முறையாக கடந்தது.
ஏற்கனவே, அமேசான் நிறுவன தலைவர் ஜெஃப் பெஸோஸ் உலகின் மிகப்பெரிய பணக்காரராக உயர்ந்தார். அமேசானின் 16% பங்குகளை பெஸோஸ் வைத்துள்ளார். அவரது சொத்துக்களின் மதிப்பு, சுமார் 11 லட்ச ரூபாயாகும். ஆப்பிள், அமேசான் நிறுவனங்களை தொடர்ந்து, கூகுளின் தாய் நிறுவனான ஆல்ஃபாபெட் மற்றும் மைக்ரோசாப்ட் நிறுவனங்கள் ட்ரில்லியன் டாலர் மதிப்பை நெருங்கி வருவது குறிப்பிடத்தக்கது.
newstm.in
newstm.in